રાજારામ સોસાયટીમાંથી દારૂની 34 બોટલ સાથે પ્રકાશ કાકુ ઝડપાયો

રાજારામ સોસાયટીમાંથી દારૂની 34 બોટલ સાથે પ્રકાશ કાકુને થોરાળા પોલીસે પકડી કાર્યવાહી હાથ ધરી હતી. બનાવ અંગે થોરાળા પોલીસ મથકના પીએસઆઇ એમ.એસ.મહેશ્વરી ટીમ સાથે પેટ્રોલિંગમાં હતાં.
ત્યારે સાથેના હેડ કોન્સ્ટેબલ ભરતસિંહ પરમાર કોન્સ્ટેબલ જયરાજસિંહ કોટીલાને મળેલ ચોક્કસ બાતમીના આધારે રાજારામ સોસાયટી શેરી નં 02 રામજી મંદીરની પાછળ આવેલ ખુલ્લી જગ્યામા એક શખ્સ ઇંગ્લિશ દારૂનો જથ્થો લઇ ઉભેલ છે.
જેથી સ્ટાફે દરોડો પાડી શખ્સને પકડી ત્રણ કાળા કલરના પ્લાસ્ટીકના ઝબલામાં બોક્ષ જોવામા આવેલ જેથી તે ખોલી જોતા તેમાં દારૂ મળી આવતા પ્રકાશ મનહરલાલ કાકુ (ઉ.વ.48),( રહે રાજારામ સોસાયટી મેઇન રોડ, મહારાણા પ્રતાપ હોલ પાસે, કાચની દુકાનની બાજુમા) ને ઝડપી દારૂની 34 બોટલ મળી રૂ.34 હજારનો મુદામલ કબ્જે કર્યો હતો. દારૂનો જથ્થો ક્યાંથી લાવ્યો અને ક્યાં સપ્લાય કરવાનો હતો તે અંગે પૂછતાછ હાથ ધરી હતી

આ પ્રકારના તમામ સમાચાર માટેે App ડાઉનલોડ કરો.