છકડા ચાલકે બાઈક સવારને અડફેટે લેતાં હાર્ડવેરના વેપારીનું મોત
શહેરનાં રેલનગરમાં શિવમ પાર્કમાં રહેતા હાર્ડવેરના વેપારી આજે સામાન આપવાં જતાં હતાં ત્યારે કાલાવડ રોડ વીરડા વાજડી પાસે છકડો રિક્ષા ચાલકે અડફેટે લેતાં ગંભીર ઈજા પહોંચતા સારવાર કારગત નીવડે તે પહેલાં જ વેપારીએ દમ તોડી દિધો હતો.
પ્રાપ્ત વિગત મુજબ રેલનગરમાં શિવમ પાર્ક શેરી નં-5 માં રહેતાં મનોજકુમાર સુંદરદાસ ટેકવાણી (ઉ.વ.54) તેઓ આજે સવારે 10 વાગ્યાના આસપાસ બાઈક લઈને જતાં હતાં ત્યારે કાલાવડ રોડ વીરડા વાજડી પાસે શંકર ભગવાનના મંદિર નજીક છકડો રિક્ષા ચાલકે બાઈક સવારને અડફેટે લેતાં મનોજકુમાર તાકિદે રાજકોટ સિવિલ હોસ્પિટલમાં ખસેડવામાં આવ્યા હતા. જ્યાં સારવારમાં ફરજ પરના તબીબે મૃત જાહેર કર્યા હતા. મૃતક હાર્ડવેરનું હોલસેલનું કામ કરતાં હતાં. તેઓ હાર્ડવેરનો સામાન ઘરે રાખી ઓર્ડર મૂજબ સામાન મોકલતા હતા. આજે હાર્ડવેરનો સામાન આપવાં જતાં હતાં ત્યારે બનાવ બન્યો હતો. તેઓને સંતાનમાં એક પુત્ર અને એક પુત્રી હોવાનું મૃતકના પરિવારજનોએ જણાવ્યું હતું. બનાવની જાણ રાજકોટ તાલુકા પોલીસને થતાં તુરંત દોડી જઈ જરૂરી કાર્યવાહી કરી વધુ તપાસ હાથ ધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.