સુરેન્દ્રનગર શહેરમાં ભૂગર્ભ ગટર લાઇન જોખમી બની

- કુંથુનાથ દેરાસર ચોકમાં રિક્ષા ફસાઈ ગઈ- શહેરમાં ભુગર્ભગટરનાં ઢાંકણા મુસીબત સર્જી રહ્યાં : નાગરિકોમાં ભયનું વાતાવરણસુરેન્દ્રનગર : સુરેન્દ્રનગર શહેરમાં નાંખવામાં આવેલી ભુગર્ભગટર સુવિધારૂપ બનવાને બદલે મુશ્કેલી સર્જતી હોય તેવા અનેક કિસ્સા બની રહ્યા છે. અનેક જગ્યાએ ભુગર્ભગટર બ્લોક હોવાથી ગટરનું પાણી આગળ જવાને બદલે રસ્તા પર ફરી વળે છે.લોકોનાં ફળીયામાં ભરાય છે. તો મુખ્યમાર્ગો પર મેઈન ગટરનાં ઢાંકણ અનેક જગ્યાએ તુટી ફુટી ગયા છે. જેને કારણે વાહનચાલકોને પારાવાર પરેશાની વેઠવી પડે છે. સુરેન્દ્રનગરનાં કુંથુનાથ દેરાસર ચોકથી બહુચર હોટલ તરફ જવાના મુખ્ય માર્ગ ઉપર છેલ્લા ઘણા સમય ભુગર્ભગટરનું ઢાંકણુ તુટી ગયુ હોવાથી વાહનચાલકોને ખુબજ મુશ્કેલી પડે છે. એવામાં એક રીક્ષા આ રોડ પર મુરલીધર આઈસ્ક્રીમ પાસે ઢાંકણામાં બરાબરની ફસાઈ ગઈ હતી. સદનસીબે કોઈ મુસાફર કે રીક્ષાચાલકને ઈજા થઈ નથી પરંતુ રીક્ષાને નુકશાન થયુ હતું. નગરપાલીકાનાં તંત્રવાહકો આવા તુટેલા ઢાંકણા હટાવી નવા મુકાવે તેવી માંગણી ઉઠવા પામેલ છે.     

આ પ્રકારના તમામ સમાચાર માટેે App ડાઉનલોડ કરો.