તેલંગાણાના જૈનૂરમાં રેપ- હત્યાનો પ્રયાસ, આદિવાસીઓનો વિરોધ:ધાર્મિક સ્થળો પર પથ્થરમારો, દુકાનો ફુંકી મારી; ઈન્ટરનેટ બંધ, પોલીસે કર્ફયુ લગાવ્યો

તેલંગાણાના કુમુરમ ભીમ આસિફાબાદ જિલ્લાના જૈનુરમાં 45 વર્ષીય આદિવાસી મહિલા પર રેપ અને હત્યાના પ્રયાસના કેસ બાદ આદિવાસી સંગઠનોએ પ્રદર્શન કર્યું હતું. બુધવારે (4 સપ્ટેમ્બર) સવારે શરૂ થયેલું પ્રદર્શન બપોર સુધીમાં બે જૂથો વચ્ચે હિંસામાં ફેરવાઈ ગયું હતું. પોલીસે જણાવ્યું કે આરોપી અને પીડિતા અલગ-અલગ ધર્મના છે. લગભગ વિરોધ કરી રહેલા 2 હજાર આદિવાસીઓએ આરોપી સમુદાયના લોકો પર હુમલો કર્યો. તેમના ધાર્મિક સ્થળ પર પથ્થરમારો કર્યો હતો. દુકાનો પણ સળગાવી દેવામાં આવી હતી. જવાબમાં, આરોપી સમુદાયના લોકોએ પણ આગચંપી અને પથ્થરમારો કર્યો હતો. પરિસ્થિતિને કાબુમાં લેવા માટે, જૈનૂર શહેરમાં ભારતીય નાગરિક સુરક્ષા સંહિતા (BNSS) ની કલમ 163 લાગુ કરવામાં આવી છે. પરિસ્થિતિ વણસતી જોઈને પ્રશાસને આ વિસ્તારમાં ઈન્ટરનેટ બંધ કરીને પોલીસ જવાનોની તહેનાતી વધારી દીધી છે. બુધવારે સાંજ સુધીમાં, રેપિડ એક્શન ફોર્સને બોલાવવામાં આવી હતી અને વિસ્તારમાં કર્ફયૂુ​​​લાદવામાં આવ્યો હતો. પોલીસે મોડી સાંજે કહ્યું કે સ્થિતિ હવે નિયંત્રણમાં છે, પરંતુ હજુ સુધી કર્ફ્યુ હટાવવામાં આવ્યો નથી. હિંસાની 2 તસવીરો... હિંસા રોકવા પોલીસની 3 કાર્યવાહી 4 દિવસ પહેલા ઓટો ડ્રાઈવરે બળાત્કાર અને હત્યાનો પ્રયાસ કર્યો હતો.
પોલીસે જણાવ્યું કે 31 ઓગસ્ટે એક ઓટો ડ્રાઈવરે 45 વર્ષની આદિવાસી મહિલા પર બળાત્કાર કરવાનો પ્રયાસ કર્યો હતો. જ્યારે મહિલાએ બુમો પાડી ત્યારે આરોપીએ મહિલાના માથા પર લાકડી મારીને હત્યા કરવાનો પ્રયાસ કર્યો. મહિલા બેભાન થઈ જતાં આરોપી સ્થળ પરથી ફરાર થઈ ગયો હતો. માહિતી મળતાની સાથે જ પોલીસ મહિલાને જૈનૂર હોસ્પિટલમાં લઈ ગઈ, જ્યાંથી તેને સારવાર માટે હૈદરાબાદ રિફર કરવામાં આવી. પોલીસે જણાવ્યું કે મહિલા ભાનમાં આવ્યા બાદ તેનું નિવેદન નોંધવામાં આવ્યું હતું. આ પછી આરોપીની ધરપકડ કરવામાં આવી હતી. તેમની સામે યૌન શોષણ, હત્યાનો પ્રયાસ અને એસસી/એસટી એક્ટની કલમો હેઠળ કેસ નોંધવામાં આવ્યો છે. ઘટના અંગે કોણે શું કહ્યું? આદિવાસી મહિલા પર થયેલા ઘાતકી હુમલાથી ઘણો દુઃખી છું. પીડિત પરિવાર સાથે વાત કરી અને મદદ માંગી. તેલંગાણા ડીજીપીએ ગુનેગારો અને હિંસા માટે જવાબદાર લોકો સામે કાર્યવાહીની માંગ કરી છે. અમારી મહિલાઓની સુરક્ષા અને અમારા સમુદાયોમાં શાંતિ સર્વોપરી છે. - કેન્દ્રીય મંત્રી સંજય કુમાર બંડી જૈનૂરમાં સાંપ્રદાયિક અશાંતિની ઘટનાઓને લઈને મેં તેલંગાણાના ડીજીપી સાથે વાત કરી છે. ડીજીપીએ મને ખાતરી આપી છે કે આના પર નજર રાખવામાં આવી રહી છે. વધારાની પોલીસ ફોર્સ પણ મોકલવામાં આવી રહી છે. કાયદો પોતાના હાથમાં લેનારાઓ સામે કાર્યવાહી કરવામાં આવશે.- હૈદરાબાદના સાંસદ અસદુદ્દીન ઓવૈસી દેશમાં મહિલાઓ સામેના અપરાધની ઘટનાઓને લઈને અવારનવાર ભાજપ પર પ્રહાર કરતા ઓવૈસી તેલંગાણાની કોંગ્રેસ સરકાર પર ત્યારે મૌન બની જાય છે જ્યારે એક વ્યક્તિ આદિવાસી મહિલા પર રેપ અને હત્યા કરવાનો પ્રયાસ કરે છે. આ ઘટનાનો વિરોધ કરી રહેલા લોકો પર એક સમુદાયના લોકોએ હુમલો કર્યો હતો. હું સીએમ રેવન્ત રેડ્ડીને અપીલ કરું છું કે કેસની સુનાવણી ફાસ્ટ ટ્રેક કોર્ટમાં કરવામાં આવે. રેપના આરોપીઓને ફાંસી થવી જોઈએ.- ભાજપના ધારાસભ્ય રાજા સિંહ આ સમાચાર પણ વાંચો... મહારાષ્ટ્રના બદલાપુરમાં 2 છોકરીઓનું યૌન શોષણ, શાળામાં તોડફોડ, પથ્થરમારો, ટ્રેનો રોકી; પોલીસે લાઠીચાર્જ કર્યો મહારાષ્ટ્રના થાણે જિલ્લાના બદલાપુરમાં એક ખાનગી શાળામાં 3 અને 4 વર્ષની બે કેજી છોકરીઓના જાતીય શોષણની ઘટના પ્રકાશમાં આવ્યા બાદ હજારોની ભીડ અહીંની લોકલ ટ્રેનના રેલવે ટ્રેક પર ઉતરી આવી હતી. 20 ઓગસ્ટના રોજ ટોળાએ પહેલા શાળામાં તોડફોડ કરી અને પછી બદલાપુર સ્ટેશન પર સવારે 8 થી 6 વાગ્યા સુધી પ્રદર્શન કર્યું હતું.

આ પ્રકારના તમામ સમાચાર માટેે App ડાઉનલોડ કરો.