ક્રિકેટર બનવાનું સપનું હતું, પણ બન્યા વિશ્વની સૌથી મોટી કંપનીના CEO, આજે દરરોજ કમાય છે 6.67 કરોડ, જાણો શું છે નામ?

વિશ્વની ઘણી મોટી કંપનીઓમાં ભારતીયો પ્રભાવ પાડી રહ્યા છે. ગૂગલ પણ તેમાંથી એક છે, જેનું નેતૃત્વ ભારતીય મૂળના સુંદર પિચાઈ કરી રહ્યા છે. પિચાઈ 2004માં ગૂગલનો હિસ્સો બન્યા હતા. પોતાની મહેનત અને ક્ષમતાના આધારે તેમણે 2015માં ગૂગલના સીઈઓનું પદ હાંસલ કર્યું હતું. આજે તે Google અને તેની મૂળ કંપની Alphabet Inc બંનેનું નેતૃત્વ કરે છે. આટલી મોટી જવાબદારી સંભાળતા સુંદર પિચાઈનો પગાર પણ ઘણો મોટો છે.
સોશ્યલ મીડિયા અનુસાર જાન્યુઆરી 2025 સુધીમાં સુંદર પિચાઈની વાર્ષિક આવક અંદાજે 280 મિલિયન યુએસ ડોલર એટલે કે અંદાજે 2,435 કરોડ રૂપિયા છે. જો આપણે દૈનિક ધોરણે જોઈએ તો પિચાઈ દરરોજ 6.67 કરોડ રૂપિયા કમાઈ રહ્યા છે. સુંદર પિચાઈનો જન્મ 10 જૂન 1972ના રોજ તમિલનાડુના મદુરાઈમાં થયો હતો. એક સામાન્ય પરિવારમાં જન્મેલા પિચાઈએ તેમનું બાળપણ ચેન્નાઈમાં વિતાવ્યું હતું. તેમના પિતા ઇલેક્ટ્રિકલ એન્જિનિયર હતા અને માતા સ્ટેનોગ્રાફર હતા.

*ક્યાંથી કર્યો છે અભ્યાસ*
તેમનો પ્રારંભિક અભ્યાસ ચેન્નાઈથી પૂર્ણ કર્યા પછી સુંદર પિચાઈએ ઇન્ડિયન ઇન્સ્ટિટ્યૂટ ઑફ ટેક્નોલોજી (IIT) ખડગપુરમાંથી મેટલર્જિકલ એન્જિનિયરિંગ (Metallurgical Engineering)માં B.Tech કર્યું. આ પછી તે વધુ અભ્યાસ માટે અમેરિકા ગયા. તેમણે અહીંની સ્ટેનફોર્ડ યુનિવર્સિટીમાંથી મટિરિયલ્સ સાયન્સ અને એન્જિનિયરિંગમાં એમએસ કર્યું છે. ત્યારબાદ તેમણે યુનિવર્સિટી ઓફ પેન્સિલવેનિયાની વોર્ટન સ્કૂલમાંથી એમબીએની ડિગ્રી મેળવી.

આ પ્રકારના તમામ સમાચાર માટેે App ડાઉનલોડ કરો.