ગુજરાત અને મહારાષ્ટ્ર વચ્ચે યોજાયેલ ઝોન લેવલ સ્પર્ધામાં વિજેતા બોટાદ ના ક્રિયા શાહ

(રિપોર્ટ:-ચેતન ચૌહાણ)
આસ્થા સ્નેહનું ઘર બોટાદને વધુ એક ગૌરવ દિવ્યાંગ તાલીમાર્થી કુમારી ક્રિયા શાહ સમગ્ર ઝોન લેવલે વિનર બન્યા એવું કહેવામાં આવે છે કે પ્રશ્નોત્તરી કે કોન બનેગા કરોડપતિ ટાઈપ સામાન્ય જ્ઞાન ક્વિઝ એ બૌદ્ધિક નિપુણતા ધરાવતા વિદ્યાર્થીઓ માટે યોજતા કાર્યક્રમો છે.. પરંતુ અમે પણ આ કરી શકે એ જેને સાર્થક કરવા સેવા ઇન એક્શન સંસ્થા દ્વારા પ્રશ્નોત્તરી સ્પર્ધા ક્વિઝ કોમ્પિટિશનનું દર વર્ષે મનોદિવ્યાગ, ઓટિઝમ અને સેરેબલ પાલસી દિવ્યાંગ તાલીમાર્થીઓ માટે આયોજન કરવામાં આવે છે. સમગ્ર ભારતમાંથી જુદા 13 રાજ્યોના ઇન્ટર એક્ચ્યુલ, ઓટિઝમ અને સેરેબ્રલ પાલ્સી દિવ્યાંગ તાલીમાર્થીઓ આ સ્પર્ધામાં ભાગ લઈ અને પોતાનું કૌશલ્ય બતાવે છે. આ વર્ષે ગુજરાત રાજ્યમાં સ્પેશિયલ ઓલિમ્પિક ગુજરાત દ્વારા આ સ્પર્ધાનું સમગ્ર આયોજન સંભાળવામાં આવેલ. સૌપ્રથમ જિલ્લા કક્ષાએ ઓનલાઈન સ્પર્ધા અને તેમાંથી વિજેતા બનેલ સિલેકટેડ સ્પર્ધકો માટે ઝોન લેવલની સ્પર્ધા ગુજરાત અને મહારાષ્ટ્ર વચ્ચે યોજાયેલ. જોન લેવલની આ સ્પર્ધામાં આઈડી સિનિયર ગ્રુપના સ્પર્ધક તરીકે બોટાદ સ્નેહ નું ઘરના તાલીમાર્થી કુમારી ક્રિયા મહેશભાઈ શાહ એ ભાગ લીધેલ. સંસ્થાના સંચાલક પ્રકાશ ભીમાણી અને તેના ટીચરના માર્ગદર્શન થકી તાલીમ લઈ રહેલી કુમારી ક્રિયા મહેશભાઈ શાહ ક્વિઝ કોમ્પિટિશનમાં સમગ્ર ઝોનમાં પ્રથમ ક્રમાંક સાથે વિજેતા થઈ બોટાદ અને આસ્થા સ્નેહ નું ઘર મનો દિવ્યાંગ તાલીમ કેન્દ્રનું ગૌરવ વધારેલ. વિજેતા બનેલ કુમારી ક્રિયા શાહને સેવાની એક્શન તથા પેસલ ઓલમ્પિક ગુજરાત દ્વારા ટ્રોફી, પ્રમાણપત્ર, આકર્ષક ગિફ્ટ અને રૂપિયા 10,000/- કેસ એવોર્ડ આપવામાં આવેલ. અત્રે ઉલ્લેખનીય છે કે ઝોનમાં વિજેતા બનેલ ક્રિયા શાહ આગામી સમયમાં બેંગ્લોર ખાતે આયોજિત થનાર નેશનલ કોમ્પિટિશનમાં ભાગ લેવા માટે જશે. સ્પેશ્યલ ઓલિમ્પિક્સ બોટાદ જિલ્લા તથા આસ્થા સ્નેહ નું ઘર બોટાદ દ્વારા અભિનંદન સહ શુભેચ્છાઓ પાઠવવામાં આવેલ.

આ પ્રકારના તમામ સમાચાર માટેે App ડાઉનલોડ કરો.