જસદણમાં મકાનમાંથી ૧.૨૩ લાખના વિદેશી દારૂના જથ્થા સાથે રસીક નામનો ઇસમ પકડાયો

રોહીત રોજાસરાએ દારૂનો જથ્થો મંગાવી રસીક ઝાપડીયાએ ભાડે રાખેલ મકાનમાં દારૂનો જથ્થો છુપાવ્યો'તોઃ રોહીતની શોધખોળ

જસદણ પોલીસે રહેણાંક મકાનમાં રેઇડ કરી ૧.૨૭ લાખના વિદેશી દારુના જથ્થા સાથે એક શખ્સને ઝડપી લીધો હતો. જયારે દારુ મંગાવનાર શખ્સની શોધખોળ હાથધરાઇ છે. જસદણ આદમજી રોડ ઉપર આવેલ મકાનમાં દારૂનો જથ્થો ઉતર્યો હોવાની બાતમી મળતા જસદણના પી.આઇ. ટી.બી. જાની તથા સ્ટાફે રેઇડ કરી વિદેશી દારૂની બોટલો નંગ ૧૫૨ તથા ચપલા નંગ ૬૧૭ મળી કુલ ૧.૨૩ લાખના જથ્થા સાથે રસીક નારણભાઇ ઝાપડીયા રે.કલોરાણા તા.બાબરાને ઝડપી લીધો હતો. પકડાયેલ રસીકે આ દારૂનો જથ્થો રોહીત ઉર્ફે મુન્ના નંદાભાઇ રોજાસરા રે.આદમજી રોડ જસદણએ મંગાવ્યાનું અને પોતે મકાન ભાડે રાખી દારૂનો જથ્થો છુપાવ્યો હોવાની કબુલાત આપી હતી. જસદણ પોલીસે બન્ને સામે ગુન્હો દાખલ કરી રોહીત ઉર્ફે મુન્ના રોજાસરાની શોધખોળ હાથધરી છે

આ પ્રકારના તમામ સમાચાર માટેે App ડાઉનલોડ કરો.