આનંદનગર અને ગોવિંદનગરમાં મકાનમાં ચાલતા જુગારના દરોડા: 19 મહિલા સહિત 20 ઝડપાયા

આનંદ નગર અને ગોવિંદ નગરમાં મકાનમાં દરોડો પાડી જુગાર રમતાં 19 મહિલા સહિત 20 ઝડપાયાં હતાં. પોલીસે રોકડ રૂ.24 હજાર કબ્જે કરી જુગાર ધારાની કલમ હેઠળ ગુનો નોંધી કાર્યવાહિ કરી હતી.
ભક્તિનગર પોલીસ મથકનો સ્ટાફ પેટ્રોલિંગમાં હતો દરમિયાન ખાનગી રાહે હકીકત મળેલ કે આનંદ નગર કાળા પથ્થરના ત્રણ માળીયા કવાટર ગ્રાઉન્ડ ફલોર પર આવેલ બ્લોક નં-5માં રહેતા દર્શનાબેન જાદવ પોતાના કબ્જા ભોગવટાના મકાનમાં જુગારનો અખાડો ચલાવે છે.
જે બાતમીનાં આધારે દરોડો પાડી એકતાબેન વિરલભાઈ થડેશ્વર, દર્શનાબેન પ્રફુલભાઈ જાદવ, ફરીદાબેન સોકતભાઈ માખાણી, તેજલબેન ધર્મેશભાઈ થડેશ્ર્વર, જલ્પાબેન કેતનભાઈ થડેશ્ર્વર, રાધાબેન કેતનભાઈ બાવડા, જયશ્રીબેન દિનેશભાઇ ઝીંઝુવાડીયા, નિલાબેન કિશોરભાઇ અજાગીયા તેમજ વિજય શરદચંદ્ર ઓઝાને પકડી પાડી રોકડ રૂ. 11350 કબ્જે કર્યા હતા.
આ ઉપરાંત ગાંધીગ્રામ પોલીસે બાતમીના આધારે ગોવિદનગર શેરી નં.05 માં રહેતા પ્રફુલાબા મનહરસિંહ જાડેજાના મકાનમાં દરોડો પાડી પ્રફુલાબા મનહરસિંહ જાડેજા, સંગીતા વિનુભાઈ દાણીધારીયા, હેતલબેન રામદાસભાઇ ગોડલીયા, હંસાબેન ગંગારામભાઇ કાપડી, રીટાબેન રમેશભાઈ પંડયા, ફરજાનાબેન લતીફભાઈ વિજળીવાઠા, વિજયાબેન નરોતમભાઈ ચંન્દ્રાણી,ઝરીનાબેન સજુભાઈ જીવાણી, મુકતાબેન હરેશભાઈ દેવળીયા, આશાબેન ગંગારામભાઈ કાપડી, છાયાબેન રાજેન્દ્રભાઇ જોષીને પકડી પાડી રોકડ રૂ. 12780 કબ્જે કર્યા હતા.

આ પ્રકારના તમામ સમાચાર માટેે App ડાઉનલોડ કરો.