ચુનારાવાડના નામચીન બુટલેગરના મકાનમાંથી રૂા.2.70 લાખનો દારૂ ઝડપાયો

ચુનારાવાડ નજીક આજી નદીના કાંઠે રહેતા નામચીન બુટલેગર વિજય ઉર્ફે બાલીના મકાનમાં ક્રાઇમ બ્રાંચની ટીમે દરોડો પાડી વિદેશી દારૂની 540 બોટલ રૂા. 2.70 લાખનો મુદ્દામાલ પકડી પાડયો હતો. જયારે દરોડા દરમિયાન બુટલેગર વિજય ઉર્ફે બાલી નાસી છુટતા તેની શોધખોળ આદરી હતી.
દરોડાની વિગત અનુસાર આગામી વિધાનસભા ચૂંટણી અનુલક્ષી ગેરકાયદેસર દારૂ અને જુગારની પ્રવૃતિ નેસ્તનાબુદ કરવા પોલીસ કમિશ્નર રાજુ ભાર્ગવની સુચનાથી ક્રાઇમ બ્રાંચના પી.આઇ. વાય.બી.જાડેજાના માર્ગદર્શન હેઠળ હેડ કોન્સ્ટેબલ વિજય રાજસિંહ જાડેજા તથા કોન્સ્ટેબલ વિજયભાઇ મેતા અને કુલદીપસિંહ જાડેજાને મળેલ ચોકકસ બાતમીના આધારે ચુનારાવાડ શેરી નં.1 આજી નદીના કાંઠે રહેતા વિજય ઉર્ફે બાલી મધુ ભટ્ટીના મકાનમાં દરોડો પાડી મકાનમાં અંદ છુપાવેલ વિદેશી દારૂની અલગ અલગ કંપનીની 540 બોટલ મળી આવતા ક્રાઇમ બ્રાંચની ટીમે કુલ રૂા. 2.70 લાખનો દારૂ કબ્જે કર્યો હતો.
જયારે દરોડાની ગંધ આવી જતા બુટલેગર અને મકાન માલીક વિજય ઉર્ફે બાલી નાશી છુટતા પોલીસે તેની શોધખોળ આદરી હતી.ઉલ્લેખનીય છે કે જેના મકાનમાંથી દારૂ ઝડપાયો તે વિજય ઉર્ફે બાલી પર અગાઉ પણ દારૂના ગુનામાં સંડોવાયેલ છે.

આ પ્રકારના તમામ સમાચાર માટેે App ડાઉનલોડ કરો.