16GB રેમ ધરાવતા OnePlus 10T ફોનનું પ્રથમ વેચાણ આજથી શરૂ, આ છે વીશીષ્ટતાઓ

16GB રેમ ધરાવતા OnePlus 10T ફોનનું પ્રથમ વેચાણ આજથી શરૂ, આ છે વીશીષ્ટતાઓ


OnePlus 10Tની વિશેષતાઓ વિશે વાત કરીએ તો, તેમાં Snapdragon 8+ Gen 1 પ્રોસેસર સાથે 150W SUPERVOOC એન્ડ્યુરન્સ એડિશન વાયર ચાર્જિંગ માટે સપોર્ટ સાથે 4800mAh બેટરી છે. ફોન સાથે 3 રિયર કેમેરા પણ આપવામાં આવ્યા છે.

તાજેતરમાં OnePlusનું લેટેસ્ટ ફ્લેગશિપ OnePlus 10T લોન્ચ કરવામાં આવ્યું છે. અને આજે એટલે કે 6 ઓગસ્ટના રોજ તેનું પહેલું વેચાણ શરૂ થયું છે. OnePlus 10T આજે એમેઝોન અને કંપનીની સાઇટ પરથી ખરીદી શકાય છે. OnePlus 10Tની વિશેષતાઓ વિશે વાત કરીએ તો, તેમાં Snapdragon 8+ Gen 1 પ્રોસેસર સાથે 150W SUPERVOOC એન્ડ્યુરન્સ એડિશન વાયર ચાર્જિંગ માટે સપોર્ટ સાથે 4800mAh બેટરી છે. ફોન સાથે 3 રિયર કેમેરા પણ આપવામાં આવ્યા છે. OnePlus 10Tમાં 16 GB RAM પણ છે.
જાણો OnePlus 10T 5G કિંમત
OnePlus 10T5G બે કલર ઓપ્શન મૂન બ્લેક અને જેડ બ્લેકમાં લોન્ચ કરવામાં આવ્યો છે. ફોનના 8 GB રેમ સાથે 128 GB સ્ટોરેજની કિંમત 49,999 રૂપિયા છે. તે જ સમયે, 12 જીબી રેમ સાથે 256 જીબી સ્ટોરેજ વેરિઅન્ટની કિંમત 54,999 રૂપિયા અને 256 જીબી સ્ટોરેજ વેરિઅન્ટ સાથે 16 જીબી રેમની કિંમત 55,999 રૂપિયા રાખવામાં આવી છે. ICICI અને SBI બેંક કાર્ડ દ્વારા પેમેન્ટ કરવા પર 5,000 રૂપિયાનું ડિસ્કાઉન્ટ મળશે.
આ છે OnePlus 10Tની વિશિષ્ટતાઓ
OnePlus 10Tને Android 12 સાથે OxygenOS 12.1 મળશે. આ ઉપરાંત તેમાં 1080x2412 પિક્સલના રિઝોલ્યુશન અને 120Hz ના રિફ્રેશ રેટ સાથે 6.7-ઇંચની ફુલ એચડી પ્લસ ફ્લુઇડ AMOLED ડિસ્પ્લે મળશે. ફોનમાં 950 nits ની બ્રાઇટનેસ છે અને ડિસ્પ્લે પર 2.5D કર્વ્ડ ગોરિલ્લા ગ્લાસ 5નું પ્રોટેક્શન ઉપલબ્ધ છે. ફોનનું ડિસ્પ્લે HDR10+ સપોર્ટ સાથે આવે છે. OnePlus 10T એ Qualcomm Snapdragon 8+ Gen 1 પ્રોસેસર અને 16GB સુધીની LPDDR5 RAM સાથે 256GB UFS 3.1 સ્ટોરેજ પેક કરે છે.
OnePlus 10T 5Gનો કેમેરા 
OnePlus 10T 5G ટ્રિપલ રીઅર કેમેરા સેટઅપ ઉપલબ્ધ છે, જેમાં પ્રાથમિક લેન્સ 50-મેગાપિક્સલનો Sony IMX766 સેન્સર છે. આ સાથે ઓપ્ટિકલ ઇમેજ સ્ટેબિલાઇઝેશન (OIS) અને નાઇટસ્કેપ 2.0 માટે પણ સપોર્ટ છે. બીજો લેન્સ 8-મેગાપિક્સલનો Sony IMX355 અલ્ટ્રા વાઈડ છે અને ત્રીજો લેન્સ 2-મેગાપિક્સલનો GC02M1 મેક્રો સેન્સર છે. સેલ્ફી માટે, તેમાં 16-મેગાપિક્સલ સેમસંગ ISOCELL S5K3P9 સેન્સર છે.
OnePlus 10T 5Gની બેટરી
OnePlus 10Tમાં 4800mAh ડ્યુઅલ સેલ બેટરી છે, જે 150W સુપરવૂક ફાસ્ટ ચાર્જિંગને સપોર્ટ કરે છે. બેટરીની વાત કરીએ તો કંપનીનો દાવો છે કે, તેને માત્ર 19 મિનિટમાં 0 થી 100 ટકા સુધી ચાર્જ કરી શકાય છે. કનેક્ટિવિટી માટે, OnePlus 10T 5Gમાં 5G, 4G LTE, Wi-Fi 6, Bluetooth v5.2, GPS/ A-GPS, NFC અને USB Type-C પોર્ટ છે. સુરક્ષા માટે ફોનમાં ઇન-ડિસ્પ્લે ફિંગરપ્રિન્ટ સેન્સર પણ છે.

આ પ્રકારના તમામ સમાચાર માટેે App ડાઉનલોડ કરો.
Translate »