સૌરાષ્ટ્ર ના ગામડા થી મહાનગરો સુધી ચોરાચાવડી પર જોવા મળતા માવતર જોઈ એ છીએ ના હદયસ્પર્શી બોર્ડ સદભાવના વૃદ્ધાશ્રમમાં કોમામાં આવેલા વડીલો તેમજ કોમામાં રહેલા કોઈ પણ ઉંમરનાં વ્યક્તિઓને પ્રવેશ અપાશે

સૌરાષ્ટ્ર ના ગામડા થી મહાનગરો સુધી ચોરાચાવડી પર જોવા મળતા

માવતર જોઈ એ છીએ ના હદયસ્પર્શી બોર્ડ

સદભાવના વૃદ્ધાશ્રમમાં કોમામાં આવેલા વડીલો તેમજ કોમામાં રહેલા કોઈ પણ ઉંમરનાં વ્યક્તિઓને પ્રવેશ અપાશે.

રાજકોટ દેશના કોઈ પણ ખૂણે નિરાધાર વૃદ્ધ, લાચાર, પથારિવશ વૃદ્ધોને હવે રાજકોટ ખાતે આશરો મળવાની સાથે યોગ્ય સારવાર પણ મળી રહેશે. રાજકોટમાં સદભાવના વૃદ્ધાશ્રમ દેશનો સૌથી મોટો વૃદ્ધાશ્રમ બને છે. સદભાવના વૃદ્ધાશ્રમમાં વડીલોને આશરો મળવાની સાથે સાથે તેની સારવાર પણ વિનામૂલ્યે કરવામાં આવશે. વૃધ્ધાશ્રમ એ ભારતીય સંસ્કૃતિ નથી જ પરંતુ આજનાં કળીયુગની જરૂરીયાત તો છે જ. કમનસીબે સંયુક્ત કુટુંબ વ્યવસ્થા તુટતા જતા ઘણા વ્યકિતઓ નિરાઘાર બનતા જાય છે. માનવ સેવા ચેરીટેબલ ટ્રસ્ટ દ્વારા છેલ્લા સાત વર્ષથી સદભાવના વૃધ્ધાશ્રમ ચલાવવામાં આવે છે. આ વૃધ્ધાશ્રમમાં નાત-જાત કે ધર્મના ભેદભાવ વિના જરૂરીયાતવાળા વૃધ્ધોને, નિયમાનુસાર અને સંસ્થાની પ્રવેશ મર્યાદામાં, આદરભર દાખલ કરી તમામ સુવિધાઓ વિનામુલ્યે આપવામાં આવે છે. વૃધ્ધાશ્રમમાં દાખલ થતા જરૂરીયાતમંદ વૃધ્ધ વ્યકિતઓ પાસેથી કોઈપણ ફી, ચાર્જ કે લવાજમ લેવામાં આવતું નથી. તમામ સુવિધાઓ વડીલોને વિનામુલ્યે આપવામાં આવે છે. ગુજરાતનાં સૌથી મોટા આ વૃધ્ધાશ્રમમાં હાલ ૫૫૦
જેટલા માવતરો પોતાની પાછોતરી જીંદગીની ટાઢક લઈ રહયાં છે. તેમાંથી ૧૮૦ વડીલો પથારીવશ (ડાઇપર વાળા) છે. સાવ પથારીવશ વ્યક્તિઓ (કોઈપણ ઉંમરના) કે જેની સેવા ચાકરી કરવાવાળું પણ કોઈ ન હોય, જે કોમામાં હોય, એકલવાયી-નિરાધાર હાલતમાં પોતાનું જીવન વ્યતિત કરતા હોય કે પોતાની પીડાને લઈને દરરોજ મૃત્યુ વહેલુ આવે તેવી કમનસીબ પ્રાર્થના કરતા હોય તેવા વ્યક્તિઓ (કોઈપણ ઉંમરનાં) માટે સદભાવના વૃધ્ધાશ્રમમાં વિશેષ વિભાગ શરૂ કરવામાં આવ્યો છે. આવા પથારીવશ વ્યક્તિઓ (કોઈપણ ઉંમરનાં)ને પણ સદભાવના વૃધ્ધાશ્રમ પોતાની ફરજનાં ભાગરૂપે નિઃશુલ્ક આશ્રય અપાઈ રહયો છે. યથાશકિત સેવા કરાઈ રહી છે. પોતાની આસપાસમાં કોઈ નિરાધાર કે નિઃસહાય, પથારીવશ, કોમામાં હોય એવા વડીલો તેમજ કોમામાં રહેલા કોઈ પણ ઉંમરનાં વ્યક્તિઓને જોવા મળે તો તેમને સદભાવના વૃધ્ધાશ્રમ, રાજકોટ સુધી પહોંચાડવા જાહેર વિનંતી કરાઈ છે.

રિપોર્ટ નટવરલાલ જે ભાતિયા

આ પ્રકારના તમામ સમાચાર માટેે App ડાઉનલોડ કરો.