દાહોદ જિલ્લામા અનેકવિધ જગ્યાઓએ સ્વચ્છતા હી સેવા કાર્યક્ર્મ અંતર્ગત કાર્યક્રમો યોજાયા.
દાહોદ : દાહોદ જિલ્લાના સિંગવડ તાલુકા ખાતે માતાના પાલ્લાની માધ્યમિક શાળામાં યોગા તેમજ સફાઈ અભિયાનની કામગીરી કરવામાં આવી હતી, દેવગઢ બારીયા તાલુકાના અંતેલા ગ્રામ પંચાયતમાં સ્વચ્છતા હી સેવા અંતર્ગત ગ્રામ પંચાયતમાં સાફ - સફાઈ કરવામાં આવી. જેમા ગામના સરપંચ તથા ગ્રામ પંચાયતના સભ્યો હાજર રહ્યા હતા. ઝાલોદ તાલુકાના ગરાડું ગામની માધ્યમિક શાળા ખાતે બાળકો માટે યોગ શિબિરનું આયોજન કરી યોગ વિશે સમજણ આપી તમામ બાળકો દ્વારા યોગ કરીને સ્વરછતાનો સંદેશ આપવામા આવ્યો હતો.
ઉપરાંત ગરબાડા તાલુકાના સીમલીયા બુઝર્ગ ગ્રામ પંચાયત ખાતે સ્વચ્છતા હી સેવા અંતર્ગત સીમલીયા પ્રાથમિક શાળામાં સ્વચ્છતા વિશે વિદ્યાર્થીઓને પ્રદુષણ વિશે વિડિયો બતાવામાં આવી અને સાફ – સફાઈ કરી તથા વિદ્યાર્થીઓ દ્વારા સ્વરછતાની રેલીનું આયોજન પણ કરવામાં આવ્યું હતુ તથા પત્રિકાઓ દ્વારા સ્વચ્છતાની સમજણ આપવામાં આવી હતી. ધાનપુર તાલુકાની દુધામલી પ્રાથમિક શાળામાં યોગ સંવાદ અને શાળાની સફાઈ કરવામાં આવી હતી જેમાં સી.આર.સી., શાળાના આચાર્યશ્રી, શાળા સ્ટાફ અને તાલુકા યોગ કોચ દ્વારા યોગ કરીને સ્વચ્છતાનો સંદેશ આપવામા આવ્યો હતો. સ્વચ્છતા હી સેવા કાર્યક્ર્મ અંતર્ગત ગ્રામ પંચાયત સંજેલીમાં માધ્યમિક શાળામાં સુત્રો અને પોસ્ટર્સ વડે સ્વચ્છતા બાબતે સમજણ આપવામાં આવી હતી.
૦૦૦
9979516832
આ પ્રકારના તમામ સમાચાર માટેે
App ડાઉનલોડ કરો.