વિરાણી ચોક પાસે પૂરપાટ ઝડપે આવતી કારે બે રિક્ષાને હડફેટે લીધી, જીવ બચાવવા રિક્ષાચાલક ભાગ્યો; અગાઉ એક્ટિવાચાલકને ફંગોળ્યો
રાજકોટમાં બેફામ કારચાલકો દ્વારા અકસ્માત સર્જવાનો સિલસિલો આજે પણ યથાવત્ રહ્યો હતો અને વિરાણી ચોક પાસે આંખના પલકારે જ ટ્રિપલ અકસ્માત સર્જાયો હતો, જેમાં પૂરપાટ આવતી કારે એકસાથે બે રિક્ષાને હડફેટે લીધી હતી. આ અકસ્માતને પગલે જીવ બચાવવા એક રિક્ષાચાલક ભાગ્યો હતો. જોકે રિક્ષા સાથે અથડાતાં કાર પણ ડિવાઈડર ઉપર ચડી ગઈ હતી. અકસ્માતની આ સમગ્ર ઘટના CCTVમાં કેદ થતાં એનો વીડિયો પણ સામે આવ્યો છે. આ ઘટનામાં એક રિક્ષાચાલક ઘાયલ થતાં તેને સારવાર માટે ખસેડી પોલીસે પણ વધુ તપાસ હાથ ધરી છે.
આ પ્રકારના તમામ સમાચાર માટેે
App ડાઉનલોડ કરો.