મવડી પ્લોટમાંથી દારૂની 60 બોટલ સાથે કુખ્યાત રાહુલ સબાડ ઝડપાયો

મવડી પ્લોટમાં રહેતાં કુખ્યાત રાહુલ સબાડના મકાનમાં દરોડો પાડી વિદેશી દારૂની 60 બોટલ ક્રાઇમ બ્રાન્ચની ટીમે પકડી રૂ।.24600 નો મુદ્દામાલ કબ્જે કરી આરોપીને દબોચ્યો હતો. દરોડાની વિગત અનુસાર, ક્રાઇમ બ્રાન્ચના પીઆઇ વાય.બી.જાડેજા, એલ.એલ.ચાવડા અને બી.ટી.ગોહિલની રાહબરીમાં એ.એસ.આઇ. ચેતન ચાવડા અને કોન્સ્ટેબલ અશોક ડાંગર ટીમ સાથે પેટ્રોલિંગમાં હતાં ત્યારે મળેલ ચોક્કસ બાતમીના આધારે મવડી પ્લોટમાં આવેલ શ્રીનાથજી સોસાયટીમાં શેરી નં.3 માં રહેતાં રાહુલ પ્રભાત સબાડના મકાનમાં દરોડો પાડી મકાનમાં છુપાવેલ દારૂની 54 બોટલ ઝડપાઇ હતી. પોલીસે રૂ. 24600 નો મુદ્દામાલ કબ્જે કરી રાહુલ સબાડને દબોચી પૂછપરછ હાથ ધરી હતી. ઉલ્લેખનીય છે કે, આરોપી રાહુલ અગાઉ મારમારી ,જાહેરનામા ભંગ જેવાં અનેક ગુનાઓ નોંધાયેલ છે તેમજ એક વાર પાસામાં પણ જેલની હવા ખાઈ ચૂકેલ છે.

આ પ્રકારના તમામ સમાચાર માટેે App ડાઉનલોડ કરો.