ભૂલથી આગનો એલાર્મ વાગતાં બેંગ્લુરુ-માલીની ફ્લાઈટનું કોઈમ્બતૂરમાં ઈમરજન્સી લેન્ડિંગ

બેંગ્લુરુથી માલદિવ્સના પાટનગર માલી જઈ રહેલા ગો ફર્સ્ટના પેસેન્જર વિમાનનું કોઈમ્બતૂરમાં ઈમરજન્સી લેન્ડિંગ કરાવાયું હતું. વિમાનમાં એ વખતે ૯૨ મુસાફરો સવાર હતા. કોઈમ્બતૂરમાં સલામતી સાથે તમામ મુસાફરોને ઉતરાયા બાદ વિમાનનું ચેકિંગ કરાયું હતું.એન્જિનિયર્સે કહ્યું હતું કે ભૂલથી આગ-ધુમાડાનો એલાર્મ વાગ્યો હોઈ શકે છે. એ સિવાય વિમાનમાં કોઈ જ ગરબડ જણાતી નથી. તમામ ચકાસણી બાદ વિમાન ફરીથી ઉડાન ભરશે.કર્ણાટકના બેંગ્લુરુમાંથી ઉડેલું વિમાન તમિલનાડુના કોઈમ્બતૂર નજીક પહોંચ્યું ત્યારે ધુમાડા-આગનો એલાર્મ વાગતા વિમાનમાં સવાર પેસેન્જર્સ અને ક્રુ મેમ્બર્સના જીવ પડીકે બંધાયા હતા.

આ પ્રકારના તમામ સમાચાર માટેે App ડાઉનલોડ કરો. [Sassy_Social_Share]