માલદીવ્સના રાષ્ટ્રપતિ મુઈઝ્ઝૂ પર કાળો જાદુ કરવાની કોશિશ:રાજ્યમંત્રી સહિત 3 આરોપીઓ અરેસ્ટ, ઘરમાંથી કાળા જાદુનો સામાન મળી આવ્યો

માલદીવ્સનાં પર્યાવરણ રાજ્ય મંત્રી ફાતિમથ શમાનાઝની રાષ્ટ્રપતિ મોહમ્મદ મુઈઝ્ઝુ પર કાળો જાદુ કરવાના આરોપમાં ધરપકડ કરવામાં આવી છે. સ્પેનિશ ન્યૂઝ એજન્સી EFE અનુસાર, ફાતિમથ સિવાય બે વધુ લોકોની ધરપકડ કરવામાં આવી છે. કોર્ટે તમામને 7 દિવસના પોલીસ રિમાન્ડ પર મોકલી દીધા છે. જો કે હજુ સુધી આ મામલે માલદીવ્સ સરકાર તરફથી કોઈ નિવેદન આપવામાં આવ્યું નથી. અગાઉ પોલીસે ફાતિમથના ઘરની તલાશી લીધી હતી. આ દરમિયાન ત્યાંથી કાળા જાદુ સાથે જોડાયેલી ઘણી વસ્તુઓ મળી આવી હતી. ફાતિમથ રાષ્ટ્રપતિ કાર્યાલયમાં કામ કરતા મંત્રી એડમ રમીઝના પત્ની છે. ફાતિમથ રાષ્ટ્રપતિના સત્તાવાર ગૃહમાં રાજ્ય મંત્રી હતા
આ પહેલા પણ ફાતિમથ પ્રેસિડેન્ટ મુઈઝઝુ સાથે મેલ સિટી કાઉન્સિલના સભ્ય રહી ચૂક્યા છે. પછી મુઇઝઝુ રાજધાની માલેના મેયર હતા. ગયા વર્ષે પ્રમુખ બન્યા બાદ ફાતિમાથે પણ કાઉન્સિલમાંથી રાજીનામું આપી દીધું હતું. ત્યારબાદ તે રાષ્ટ્રપતિના સત્તાવાર નિવાસસ્થાન મુલિયાજના રાજ્ય મંત્રી બન્યા. બાદમાં તેમની બદલી પર્યાવરણ મંત્રાલયમાં કરવામાં આવી હતી. માલદીવ્સમાં કાળો જાદુ ફંડિતા અથવા સિહુરુ તરીકે ઓળખાય છે. ઇસ્લામિક કાયદામાં આને ગંભીર અપરાધ કહેવામાં આવ્યો છે. જો કે, આ હોવા છતાં, માલદીવ્સમાં મોટી સંખ્યામાં લોકો કાળો જાદુ કરે છે. ગયા મહિને, પોલીસે મુઇઝ્ઝુની પાર્ટીના એક નેતા પર કાળો જાદુ કરવા બદલ 60 વર્ષના એક વ્યક્તિની ધરપકડ કરી હતી. છેલ્લી 2 રાષ્ટ્રપતિની ચૂંટણીમાં પણ પરિણામો બદલવા માટે કાળા જાદુનો ઉપયોગ કરવામાં આવ્યો હતો
ઓગસ્ટ 2018માં માલદીવ્સના કુલહુધુફુશી ટાપુ પર 4 લોકોની ધરપકડ કરવામાં આવી હતી. તેમના પર સપ્ટેમ્બર 2018માં યોજાનારી રાષ્ટ્રપતિની ચૂંટણીમાં વિપક્ષની જીત સુનિશ્ચિત કરવા માટે કાળો જાદુ કરવાનો આરોપ હતો. ડિસેમ્બર 2015માં, માલદીવ્સ​​​​​​​ના ઇસ્લામિક મંત્રાલયે એક જાહેર નિવેદન જાહેર કરીને ચેતવણી આપી હતી કે સમાજમાં કાળો જાદુ વ્યાપક છે અને જનતાએ આવી પ્રથાઓથી દૂર રહેવાની જરૂર છે. અગાઉ 2013ની રાષ્ટ્રપતિ ચૂંટણીના પરિણામોને પલટાવવા માટે પણ કાળા જાદુનો ઉપયોગ કરવામાં આવ્યો હતો. આ માટે મતદાન મથક પર શાપિત નાળિયેર અને કાળા જાદુવાળી ઢીંગલી રાખવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.