ગોપાલપાર્ક શેરીમાં દારૂના કટિંગ વેળાએ દરોડો, નામચીન બુટલેગર પ્રતીક પરમાર સહિત બે ઝડપાયા
મવડી પ્લોટમાં આવેલ ગોપાલપાર્ક શેરીમાં દારૂના કટિંગ વેળાએ ક્રાઈમ બ્રાન્ચે દરોડો પાડી નામચીન બુટલેગર પ્રતીક પરમાર અને તેના સાગરીત મુસ્તકીમ ઉર્ફે મુસ્તાકને દબોચી દારૂની 549 બોટલ, ઇક્કો કાર અને મોબાઈલ મળી કુલ રૂ.4.23 લાખનો મુદ્દામાલ કબ્જે કરી કાયદેસરની કાર્યવાહી હાથ ધરી હતી.
દરોડાની વિગત મુજબ, ક્રાઇમ બ્રાન્ચના પીઆઈ મેહુલ ગોંડલીયાની રાહબરીમાં પીએસઆઇ એ.એન.પરમાર ટીમ સાથે પેટ્રોલિંગમાં હતાં ત્યારે સાથેના કોન્સ્ટેબલ અશોક ડાંગર અને હિરેન સોલંકીને મવડી પ્લોટમાં અંકુરનગર મેઈન રોડ પર આવેલ ગોપાલપાર્ક શેરી નં.5 માં નામચીન બુટલેગર પ્રતીક ઉર્ફે કાળિયાના મકાનમાં ઇક્કો કારમાંથી દારૂનું કટિંગ થાય છે તેવી મળેલ ચોક્કસ બાતમીના આધારે સ્ટાફે દરોડો પાડી ત્યાં હાજર પ્રતીક ઉર્ફે કાળિયો અરવિંદ પરમાર અને તેના સાગરીત મુસ્તાકિમ ઉર્ફે મુસ્તાક કરીમ નોયડા (રહે. ગોપાલપાર્ક શેરી નં.5 ) ની ધરપકડ કરી ઇક્કો કારમાંથી દારૂની 549 બોટલ કબ્જે કરી કુલ રૂ.4.23 લાખનો મુદ્દામાલ કબ્જે કર્યો હતો.
પૂછપરછમાં દારૂનો જથ્થો બુટલેગર પ્રતીક લઈ આવ્યો હતો અને મુસ્તાક તે દારૂની છૂટક હોમ ડિલિવરી કરતો હોવાની કબૂલાત આપી હતી. સપ્લાયરનું નામ ખોલવા આરોપીની વધું પૂછપરછ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.