તા.૨૩ માર્ચના યોજાનાર ગુજરાત કોમન એન્ટરન્સ ટેસ્ટ (ગુજકેટ)-૨૦૨૫ ને ધ્યાને લઈ જાહેરનામું પ્રસિદ્ધ કરાયું

ગોધરામાં આવેલ કુલ ૧૦ પરીક્ષા કેન્દ્રો અને તેની આસપાસના વિસ્તારમાં પરીક્ષા સમય દરમિયાન કેટલાક કૃત્યો કરવા પર પ્રતિબંધ

પંચમહાલ,
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર ધ્વારા એચ.એસ.સી, વિજ્ઞાન પ્રવાહની પરીક્ષા બાદ પ્રવેશ માટેની ગુજરાત કોમન એન્ટરન્સ ટેસ્ટ (ગુજકેટ)-૨૦૨૫, તા. ૨૩/૦૩/૨૦૨૫ને રવિવારના રોજ સવારના ૧૦-૦૦ કલાકથી બપોરના ૧૬-૦૦ કલાક દરમ્યાન જિલ્લા મથક ખાતે યોજાનાર છે. આ પરીક્ષા કેન્દ્રો ખાતે પરીક્ષા શાંત અને નિર્વિઘ્ને પાર પડે તથા કાયદો અને વ્યવસ્થાની સ્થિતિ જળવાઈ રહે તે સારૂ પંચમહાલના અધિક જિલ્લા મેજિસ્ટ્રેટશ્રી ડી.એમ.દેસાઈએ તેમને મળેલ સત્તાની રૂએ તા. ર૩/૦૩/૨૦૨૫ ને રવિવારના રોજ સવારના ૦૯-૦૦ કલાકથી બપોરના ૧૬-૦૦ કલાક સુધીના સમયગાળા દરમિયાન પરીક્ષા કેન્દ્રો (એમ & એમ મેહતા હાઇસ્કુલ યુનિટ-૧ , એમ & એમ મેહતા હાઇસ્કુલ યુનિટ-૨ , અનજ મહાજન સાર્વજનિક હાઇસ્કુલ યુનિટ-૧ , ધી ઇકબાલ યુનિયન હાઇસ્કુલ યુનિટ-૧ , ધી ઇકબાલ યુનિયન હાઇસ્કુલ યુનિટ-૨ , શ્રી સ્વામિનારાયણ હાઇસ્કુલ, રોટરી ઇંગ્લિશ મીડિયમ સ્કૂલ, કલરવ સ્કૂલ યુનિટ-૧ , કલરવ સ્કૂલ યુનિટ-૨ , ટી સી સોની સેકન્ડરી સ્કૂલ યુનિટ-૧ ) ખાતે ચર્તુદિશાની ૧૦૦ મીટરની ત્રિજયામાં આવેલ તમામ મકાનો, જગ્યા, સ્થળ અને વિસ્તારમાં કેટલાક કૃત્યો કરવા ઉપર મનાઈ ફરમાવી છે.
આ જાહેરનામા મુજબ પરીક્ષાર્થી ઉમેદવાર અને પરીક્ષા સબંધિત કામગીરીમાં રોકાયેલા ફરજ પરના અધિકૃત માણસો સિવાય અન્ય કોઈ બિનઅધિકૃત વ્યકિતઓના અવર-જવર કરવા પર, કાયદેસરની ફરજ બજાવનારાઓને કોઈપણ પ્રકારે અડચણ કે અવરોધ કરવા કે કરાવવા પર, તેમજ કોઈપણ ઈસમે કોઈપણ પ્રકારની તરકીબ વાપરી પરીક્ષાર્થીઓને પરીક્ષા વિષયક ચોરી કરવા કે કરાવવામાં સીધી કે આડકતરી મદદગારી કરવા કે કરાવવા ઉપર, તેમજ પરીક્ષાર્થી ઉમેદવારોની શાંતિ અને લેખનકાર્યમાં અડચણ- વિક્ષેપ- ધ્યાનભંગ થાય તેવુ કોઈ કૃત્ય કરવા કે કરાવવા ઉપર મનાઈ ફરમાવવામાં આવી છે.
જાહેરનામા અનુસાર પરિક્ષાર્થીઓ, શિક્ષકો, સંચાલકો, વહીવટી કર્મચારીઓ, જાહેર જનતા કે ફરજ પરના તમામ સ્ટાફએ પરીક્ષા સંબંધી ચોરી ગણાય તેવી કોઈ વસ્તુ, અથવા ઈલેક્ટ્રોનીક આઈટમ જેવી કે મોબાઈલ ફોન, પેજર, કેમેરા, લેપટોપ, કોમ્પ્યુટર, કેલ્કયુલેટર ઈત્યાદી ઉપકરણોના ઉપયોગ કરવા ઉપર તથા પુસ્તકો, કાપલીઓ, ઝેરોક્ષ નકલો કે પરીક્ષાલક્ષી કોઈપણ પ્રકારનું સાહિત્ય પરીક્ષા સ્થળમાં લઈ જવા, વહન કરવા કે તેમાં મદદગારી કરવા ઉપર પ્રતિબંધ ફરમાંવ્યો છે. આ પ્રતિબંધ ગુ.મા. અને ઉ.મા. શિક્ષણ બોર્ડ ગાંધીનગર ધ્વારા અધિકૃત રીતે સાદા કેલકયુલેટરનો ઉપયોગ કરવાની પરવાનગી આપેલ છે તેને લાગુ પડશે નહી.
પરીક્ષાખંડમાં શાંતિપૂર્ણ રીતે પરીક્ષાર્થીઓને, અન્ય કોઈ વ્યકિત અથવા જાતે પરીક્ષામાં ચોરી કરવા, કરાવવા કે તે પ્રકારના કામમાં મદદગારી કરવા તેમજ પરીક્ષાલક્ષી કોઈપણ પ્રકારનું સાહિત્યની આપ-લે કરવા કે કરાવવા ઉપર જાહેરનામામાં પ્રતિબંધ ફરમાવ્યો છે.
આ જાહેરનામા મુજબ પરીક્ષામાં થતી ગેરરીતી અટકાવવાના હેતુથી પરીક્ષા કેન્દ્રો(એમ & એમ મેહતા હાઇસ્કુલ યુનિટ-૧ , એમ & એમ મેહતા હાઇસ્કુલ યુનિટ-૨ , અનજ મહાજન સાર્વજનિક હાઇસ્કુલ યુનિટ-૧ , ધી ઇકબાલ યુનિયન હાઇસ્કુલ યુનિટ-૧ , ધી ઇકબાલ યુનિયન હાઇસ્કુલ યુનિટ-૨ , શ્રી સ્વામિનારાયણ હાઇસ્કુલ, રોટરી ઇંગ્લિશ મીડિયમ સ્કૂલ, કલરવ સ્કૂલ યુનિટ-૧ , કલરવ સ્કૂલ યુનિટ-૨ , ટી સી સોની સેકન્ડરી સ્કૂલ યુનિટ-૧ )ના સમગ્ર વિસ્તારમાં આવેલ ઝેરોક્ષ કોપીઅર, ફેકસ મશીનના સંચાલકોને પરીક્ષાના દિવસ દરમ્યાન સવારના ૦૯-૦૦ કલાકથી બપોરના ૧૬-૦૦ કલાક સુધી ઝેરોક્ષ કોપીઅર ફેક્સ મશીનના ઉપયોગ કરવા કે ચાલુ રાખવા પર મનાઈ ફરમાવી છે.
આ હુકમનો ભંગ અથવા ઉલ્લંઘન કરનાર ઈસમ શિક્ષાને પાત્ર થશે.

આ પ્રકારના તમામ સમાચાર માટેે App ડાઉનલોડ કરો.