કોલકાતા રેપ-હત્યા, મમતા અને જુનિયર ડોક્ટરો વચ્ચે ટકરાવ:CMએ કહ્યું- મારું અપમાન કરવાનું બંધ કરો, પ્રદર્શનકારીઓએ કહ્યું- સરકાર વાતચીત કરવા માટે ગંભીર નથી

કોલકાતાની આરજી કર કોલેજ અને હોસ્પિટલમાં ટ્રેઈની ડૉક્ટરનો રેપ-હત્યાના કેસનો વિરોધ કરી રહેલા જુનિયર ડૉક્ટરો અને મુખ્યમંત્રી મમતા બેનર્જી વચ્ચેની બેઠક અંગે ટકરાવ વધી ગયો છે. શનિવાર (14 સપ્ટેમ્બર)ના રોજ, સીએમ આવાસની બહાર, મમતાએ વિરોધ કરી રહેલા ડોકટરોને બેઠકમાં હાજર રહેવા અને તેમનું અપમાન કરવાનું બંધ કરવાની અપીલ કરી હતી. આ સાથે જ વિરોધ કરી રહેલા ડોકટરોએ કહ્યું કે, સરકાર અમારી સાથે વાતચીત કરવા માટે ગંભીર હોય તેવું લાગતું નથી. મમતા બેનર્જીએ અમને ખાતરી આપી હતી કે તેઓ બેઠકનો રેકોર્ડ કરેલો વીડિયો અને વિગતોની સહી કરેલી નકલ તેમની સાથે શેર કરશે. આ કારણે અમે લાઈવ ટેલિકાસ્ટ વિના બેઠક કરવા સંમત થયા. પરંતુ તેમ છતાં તેમણે બેઠક યોજી ન હતી. ડૉક્ટરોએ કહ્યું કે જ્યારે અમે સ્વાસ્થ્ય મંત્રી ચંદ્રિમા ભટ્ટાચાર્યને કહ્યું કે અમે મમતા બેનર્જીના ભરોસા પર બેઠક માટે તૈયાર છીએ તો તેમણે અમને પાછા જવા કહ્યું. તેમણે કહ્યું કે હવે ઘણું મોડું થઈ ગયું છે અને અધિકારીઓ 3 કલાકથી રાહ જોઈ રહ્યા છે. આ ઘટના પરથી સરકારનો સાચો ચહેરો ઉઘાડો પડી ગયો છે. મમતા શનિવારે બે વખત ડોક્ટરોને મળ્યા, પરંતુ કોઈ વાતચીત થઈ ન હતી
વિરોધ કરી રહેલા ડોક્ટરો સાંજે 6:30 વાગ્યે મુખ્યમંત્રી આવાસ પર પહોંચ્યા હતા. તેમને બેઠકનું લાઈવ ટેલિકાસ્ટ કરવાની માગણી સાથે સીએમ આવાસમાં પ્રવેશવાની ના પાડી દીધી હતી. મમતા બેનર્જી ઘરના દરવાજે ઉભા રહીને તેમની રાહ જોતા હતા. આખરે મમતા તેમની પાસે પહોંચ્યા અને કહ્યું કે ચર્ચાની વાતો રેકોર્ડ કરવામાં આવશે, પરંતુ લાઈવ સ્ટ્રીમિંગ થઈ શકશે નહીં. કારણ કે મામલો સુપ્રીમ કોર્ટમાં છે. મમતાએ એમ પણ કહ્યું કે તમારી તમામ માંગણીઓ સ્વીકારવી શક્ય નથી. સીએમ અને ડોકટરો વચ્ચે પાંચ કલાકમાં આ બીજી બેઠક હતી. શનિવારે જ બપોરે 1:30 વાગ્યાની આસપાસ મમતા પોતે સ્વાસ્થ્ય ભવનની બહાર વિરોધ કરી રહેલા જુનિયર ડોક્ટરોને મળવા પહોંચ્યા હતા. 10 સપ્ટેમ્બરથી અહીં ડોક્ટરો વિરોધ પર બેઠા છે. મમતાએ ડોક્ટરોને કહ્યું, 'મારું પદ નહીં, પરંતુ લોકોનું પદ મોટું છે. હું મુખ્યમંત્રી નહીં, પણ તમારી દીદી બનીને તમને મળવા આવી છું.' મમતાએ કહ્યું- તમે કામ પર પાછા ફરો, હું માંગણીઓ પર વિચાર કરીશ. હું CBIને ગુનેગારોને ફાંસી આપવા માટે કહીશ. હું તમારા પ્રદર્શનને સલામ કરું છું. હું તમારી સાથે અન્યાય નહીં થવા દઉં. મમતાએ ડૉક્ટરોને કહ્યું- તમારી વિરુદ્ધ કોઈ કાર્યવાહી કરવામાં આવશે નહીં
મમતાએ વધુમાં કહ્યું કે મારી તરફથી વાટાઘાટો કરવાનો આ છેલ્લો પ્રયાસ છે. તમારી સામે કોઈ કાર્યવાહી થશે નહીં, કારણ કે હું લોકતાંત્રિક આંદોલનને કચડવામાં માનતી નથી. મમતાએ રાજ્યની તમામ સરકારી હોસ્પિટલોની દર્દી કલ્યાણ સમિતિઓનું વિસર્જન કરવાની પણ જાહેરાત કરી હતી. મમતાએ અત્યાર સુધીમાં ત્રણ વખત ડોક્ટરો સાથે બેસીને વાત કરવાની પહેલ કરી છે. ડોકટરોએ તેની ત્રણેય દરખાસ્તો ફગાવી દીધી હતી. તેની 5 માંગણીઓ છે. તેમણે સરકાર સાથે વાતચીત માટે 4 શરતો પણ રાખી છે. રેપ-હત્યા કેસને લઈને આરજી કર મેડિકલ કોલેજમાં જુનિયર ડોક્ટરો 36 દિવસથી હડતાળ પર છે. ટ્રેઇની ડોક્ટરની માતાએ કહ્યું- સીએમ મમતાએ ડોક્ટરોની માંગણી સ્વીકારવી જોઈએ
ડોકટરની માતાએ આશા વ્યક્ત કરી હતી કે મુખ્યમંત્રી અને પ્રદર્શનકારી ડોકટરો વચ્ચેની વાતચીતનું પરિણામ આવશે. જે પણ દોષિત ઠરશે તેને સજા થશે એમ કહેવાને બદલે માત્ર આટલું કહેવું પૂરતું નથી, એમ તેમણે કહ્યું. મમતાએ ડોકટરોની માંગણી પૂરી કરવી પડશે. મમતાએ 3 વાર બોલાવ્યા; રાહ જોતાં રહ્યાં, ડોકટરો આવ્યા નહિ... 10 સપ્ટેમ્બર: ડોક્ટરોએ પોલીસ હેડક્વાર્ટરથી સ્વાસ્થ્ય ભવન સુધી રેલી કરી. મમતા સરકારે સાંજે 5 વાગ્યે ડૉક્ટરોને નબન્ના સચિવાલયમાં બેઠક માટે બોલાવ્યા. મમતા લગભગ એક કલાક 20 મિનિટ સુધી ત્યાં જ બેસી રહ્યાં. ડોકટરો આવ્યા ન હતા. ડોક્ટરોએ કહ્યું- અમે જેનું રાજીનામું માગી રહ્યા છીએ તે જ વ્યક્તિ (રાજ્ય સ્વાસ્થ્ય સચિવ) મિટિંગ માટે બોલાવી રહ્યા છે. એમાં પણ સરકારે માત્ર 10 ડોક્ટરને બોલાવ્યા. આ આંદોલનનું અપમાન છે. સપ્ટેમ્બર 11: જુનિયર ડોકટરોએ બંગાળ સરકારને એક મેઇલ મોકલીને મિટિંગ માટે પૂછ્યું. સરકારે સાંજે 6 વાગ્યાનો સમય આપ્યો છે. જોકે ડોકટરો બેઠક માટે તેમની ચાર શરતો પર અડગ રહ્યા હતા. 12 સપ્ટેમ્બર: બંગાળ સરકારે ત્રીજી વખત ડૉક્ટરોને વાતચીત માટે બોલાવ્યા. 32 ડૉક્ટર સચિવાલય પહોંચ્યા. સરકારે માત્ર 15ને બોલાવ્યા હતા. તેમને કહેવામાં આવ્યું કે મિટિંગનું લાઈવ ટેલિકાસ્ટ નહીં થાય. આનાથી ડોકટરો નારાજ થયા હતા અને મિટિંગમાં હાજર રહ્યા નહિ. મુખ્યમંત્રી મમતા બેનર્જીએ ત્યાં 2 કલાક અને 10 મિનિટ રાહ જોઈ.

આ પ્રકારના તમામ સમાચાર માટેે App ડાઉનલોડ કરો.