શામળાજી આર્ટ્સ કોલેજમાં ટેલેન્ટ મોર્નિંગ કાર્યક્રમ યોજાયો

આર્ટ્સ કોલેજ શામળાજીમાં સપ્તધારા ( ગીત- સંગીત નૃત્યધારા અને નાટ્યધારા ) અંતર્ગત ટેલેન્ટ મોર્નિંગ કાર્યક્રમની ઉજવણી કરાઈ હતી. જેમાં આર્ટ્સ કોલેજ, નર્સિંગ કોલેજ, બી.એડ કોલેજ, એસ.આઈ કોલેજ અને એમ.એસ. ડબલ્યુ કોલેજ એમ પાંચે કોલેજના પ્રિન્સિપાલ, સ્ટાફ મિત્રો તથા મોટી સંખ્યામાં વિદ્યાર્થીઓએ ભાગ લીધો હતો. સમગ્ર કાર્યક્રમની શરૂઆત પ્રાર્થનાથી કરાઈ હતી. જેમાં કુલ ૨૨ જેટલા અલગ- અલગ કાર્યક્રમ હતા. સદર ટેલેન્ટ મોર્નિંગ કાર્યક્રમ અંતર્ગત ગીત, ભજન, લોકગીત, ડાન્સ, નાટક તેમજ એક પાત્રીય અભિનયમાં ભાગ લીધેલ વિદ્યાર્થીઓ પૂરા જોશ સાથે સ્ટેજ પરફોર્મન્સ કરી રહ્યા હતા. સમગ્ર કાર્યક્રમનું આયોજન સપ્તધારા ઇન્ચાર્જ ડો. સોનલબેન પંડ્યા, ડો. મયુરીબેન પાટીલ અને ડો વી.કે.ગાવીતે કર્યુ હતું.

આ પ્રકારના તમામ સમાચાર માટેે App ડાઉનલોડ કરો.