કર્ણાટકના સીએમ સિદ્ધારમૈયાનું MUDA કૌભાંડ:જમીનોના ખોટા દસ્તાવેજો બનાવી ઘર ભેગું કરવાના આરોપ, પત્ની- વહુ સહિત 10 લોકોના નામ સામેલ

​​​​​​મૈસુર અર્બન ડેવલપમેન્ટ ઓથોરિટી (MUDA) તરફથી વળતર માટે ખોટા દસ્તાવેજો તૈયાર કરવા મામલે કર્ણાટકના મુખ્યમંત્રી સિદ્ધારમૈયા અને અન્ય નવ લોકો સામે ફરિયાદ નોંધાવવામાં આવી છે. સામાજિક કાર્યકર્તા સ્નેહમયી કૃષ્ણાએ સિદ્ધારમૈયા, તેમની પત્ની પાર્વતી, સાળા મલ્લિકાર્જુન સ્વામી, જમીનદાર દેવરાજ અને અન્ય છ લોકો વિરુદ્ધ ફરિયાદ નોંધાવી છે. ફરિયાદમાં ડેપ્યુટી કમિશનર, મામલતદાર, ડેપ્યુટી રજીસ્ટ્રાર અને MUDA અધિકારીઓની સંડોવણીનો પણ આરોપ છે. પોલીસ ફરિયાદ ઉપરાંત, કૃષ્ણાએ કર્ણાટકના રાજ્યપાલ, રાજ્યના મુખ્ય સચિવ અને મહેસૂલ વિભાગના મુખ્ય સચિવને પણ પત્ર લખીને ગેરરીતિઓની તપાસની માંગ કરી છે. એવો આરોપ છે કે મુખ્યમંત્રી સિદ્ધારમૈયા, તેમની પત્ની અને સંબંધીઓએ MUDA અધિકારીઓ સાથે મળીને 50:50 સાઇટ વિતરણ યોજના હેઠળ છેતરપિંડીથી મોંઘી સાઇટ્સ પોતાના નામે કરવા માટે ખોટા દસ્તાવેજો તૈયાર કર્યા હતા. 50:50 રેશિયો જમીન ફાળવણી યોજના શું છે?
આ યોજના કર્ણાટકમાં અગાઉની ભાજપ અને વર્તમાન કોંગ્રેસ સરકારના કાર્યકાળ દરમિયાન લાગુ કરવામાં આવી હતી. જમીન ફાળવણીનો વિવાદ એટલા માટે ચર્ચામાં છે કારણ કે કર્ણાટકના સીએમ સિદ્ધારમૈયાની પત્ની 2021માં આ MUDA યોજનામાં લાભાર્થી હતા. ખરેખરમાં, આ યોજના હેઠળ, મૈસૂર અર્બન ડેવલપમેન્ટ ઓથોરિટી (MUDA) કોઈપણ જમીન પર રહેણાંક લેઆઉટ વિકસાવવા માટે જમીન સંપાદન કરી શકશે. સંપાદનના બદલામાં, જમીન માલિકોને વિકસિત સ્થાન પર 50% જમીન આપવામાં આવશે. પરંતુ આ સ્કીમ પર વધી રહેલા વિવાદને કારણે 2023માં શહેરી વિકાસ મંત્રી બૈરાઠી સુરેશ દ્વારા તેને પાછી ખેંચી લેવામાં આવી હતી. ક્યારે અને કયા આરોપ લાગ્યા?
કેન્દ્રમાં બીજેપીના સાથી જનતા દળ સેક્યુલરના નેતા કેન્દ્રીય મંત્રી કુમારસ્વામીએ દાવો કર્યો છે કે મૈસુરમાં વૈકલ્પિક જમીન ફાળવણી યોજના અંગેનો વિવાદ સિદ્ધારમૈયા અને નાયબ મુખ્યમંત્રી ડીકે શિવકુમાર વચ્ચે કોંગ્રેસ પક્ષમાં મુખ્યમંત્રી પદ માટેના ઝઘડાનું પરિણામ છે. . જમીન ફાળવણી કૌભાંડનો ખુલાસો એક RTI એક્ટિવિસ્ટ દ્વારા કરવામાં આવ્યો હતો, જેમાં જણાવ્યું હતું કે, છેલ્લા ચાર વર્ષમાં 50:50 યોજના તરીકે ઓળખાતી સ્કીમ હેઠળ 6,000 થી વધુ સાઇટ્સ ફાળવવામાં આવી છે. આ યોજના હેઠળ, જમીન માલિકો કે જેમની જમીન MUDA દ્વારા સંપાદિત કરવામાં આવી છે તેમને વળતર તરીકે ઊંચી કિંમતની વૈકલ્પિક જગ્યાઓ ફાળવવામાં આવે છે. એવા આક્ષેપો છે કે મૈસૂરમાં જે લોકોએ તેમની જમીન ગુમાવી હતી તેમને પણ આ યોજના હેઠળ વધુ કિંમતની વૈકલ્પિક જગ્યાઓ આપવામાં આવી હતી. કૌભાંડની તપાસની માંગ
5 જુલાઈના રોજ, એક્ટિવિસ્ટ કુરુબરા શાંથકુમારે રાજ્યપાલને એક પત્ર લખીને જણાવ્યું હતું કે મૈસુરના ડેપ્યુટી કમિશનરે 8 ફેબ્રુઆરી 2023 થી 9 નવેમ્બર 2023 વચ્ચે MUDAને 17 પત્રો લખ્યો છે અને 27 નવેમ્બરે શહેરી વિકાસ સત્તામંડળ, કર્ણાટક સરકારને 50:50 કૌભાંડ અને MUDA કમિશનર સામે તપાસ કરવા માટે લખ્યું હતું. આમ છતાં MUDA કમિશનરે કાયદાનો ડર રાખ્યા વગર હજારો જગ્યાઓ ફાળવી દીધી. આવી સ્થિતિમાં ભાજપ હવે આ કથિત કૌભાંડ મામલે વર્તમાન કર્ણાટક સરકાર પર પ્રહારો કરી રહી છે. આ સમાચાર પણ વાંચો... વિરોધનો મામલો - કર્ણાટકના સીએમ સિદ્ધારમૈયા સામેની કાર્યવાહી પર સ્ટે, સુપ્રીમ કોર્ટે સીએમને પૂછ્યું - નેતાને વિરોધ કરવાની મંજુરી મળે, સામાન્ય માણસને નહીં? સુપ્રીમ કોર્ટે સોમવારે કર્ણાટકના મુખ્યમંત્રી સિદ્ધારમૈયા સામે વિરોધ પ્રદર્શનના કેસમાં કાર્યવાહી પર રોક લગાવી દીધી છે. સુપ્રીમ કોર્ટે હાઈકોર્ટના નિર્ણય પર પણ રોક લગાવી હતી, જેમાં સિદ્ધારમૈયા, કોંગ્રેસ મહાસચિવ રણદીપ સુરજેવાલા અને અન્ય નેતાઓને 10,000 રૂપિયાનો દંડ ભરવા આદેશ આપવામાં આવ્યો હતો.

આ પ્રકારના તમામ સમાચાર માટેે App ડાઉનલોડ કરો.