રેલનગર વિસ્તારમાં થયેલ ઘરફોડ ચોરીનો ભેદ ઉકેલી પોલીસે આરોપીને 1.76 લાખના મુદામાલ સાથે ઝડપી અન્ય સાગરીતની શોધખોળ હાથ ધરી
રાજકોટમાં બે દિવસ પૂર્વે રેલનગર વિસ્તારમાં સાંઈબાબા સોસાયટીમાં થયેલ ઘરફોડ ચોરીના ગુનામાં આરોપીને ઝડપી પાડી પોલીસે કાયદેસરની કાર્યવાહી હાથ ધરી છે. પોલીસે રેલનગર અંડરબ્રિજ પાસેથી રીઢો તસ્કર આદિલ ઉર્ફે તપેલી ઉર્ફે સુલતાન મહેબુબભાઇ મલેક (ઉ.વ.21)ને પકડી પાડી પૂછતાછ કરતા તેણે તેના મિત્ર શાહિલ ઉર્ફે નનો હનીફભાઇ કળદોરીયા સાથે મળી ચોરી કર્યાની કબૂલાત આપી હતી. પોલીસે આ તસ્કરના કબજામાંથી ચોરાઉ સોના-ચાંદીના 1.76 લાખના દાગીના કબ્જે કરી આદિલના સાગરિત સાહિલની શોધખોળ હાથ ધરી છે. પકડાયેલ રીઢો તસ્કર આદિલ અગાઉ ભાવનગરની 6થી વધુ ઘરફોડ ચોરી, સુરેન્દ્રનગર તથા રાજકોટમાં બે ચોરીના ગુન્હામાં પકડાઇ ચૂકયો હોવાનું પોલીસ તપાસમાં સામે આવ્યું છે.
આ પ્રકારના તમામ સમાચાર માટેે
App ડાઉનલોડ કરો.