ગ્લોબલ સ્ટાર પ્રિયંકા ચોપરા શૂટિંગ દરમિયાન ઘાયલ થઈ:’ધ બ્લફ’ મૂવીના સ્ટંટ સીન શૂટ કરતાં ગળાના ભાગમાં થઈ ઇજા, સ્ટોરી શેર કરતા કહ્યું,’મારા પ્રોફેશનલ ફ્રન્ટનું આ એક મોટું જોખમ’

ગ્લોબલ સ્ટાર પ્રિયંકા ચોપરા તેની આગામી ફિલ્મ 'ધ બ્લફ'ને લઈને ચર્ચામાં છે. અભિનેત્રી ઘણીવાર તેના સોશિયલ મીડિયા એકાઉન્ટ્સ પર શૂટિંગ દરમિયાનની તસવીરો પોસ્ટ કરે છે, તાજેતરમાં એક તસવીર પોસ્ટ કરી છે જેમાં તે ઈજાગ્રસ્ત દેખાઈ રહી છે. પ્રિયંકા હાલમાં ઓસ્ટ્રેલિયામાં 'ધ બ્લફ'નું શૂટિંગ કરી રહી છે. તેણે ઈન્સ્ટાગ્રામ સ્ટોરી પર જે તસવીર શેર કરી છે તેમાં તેની ગરદન પર એક મોટું કટનું નિશાન સ્પષ્ટ દેખાઈ રહ્યું છે. ફોટો શેર કરતી વખતે, અભિનેત્રીએ કેપ્શનમાં લખ્યું, 'મારા પ્રોફેશનલ ફ્રન્ટનું આ એક મોટું જોખમ છે." આની આગળ ફિલ્મનું નામ લખતા તેણે જણાવ્યું કે તેને સ્ટંટ કરતી વખતે આ ઈજા થઈ હતી. પ્રિયંકા ચોપરા 'ધ બ્લફ'નું શૂટિંગ કરી રહી છે
હાલમાં ગ્લોબલ સ્ટાર તેની આગામી ફિલ્મ 'ધ બ્લફ'ના શૂટિંગમાં વ્યસ્ત છે અને તેણે આ આગામી ફિલ્મના શૂટિંગનો એક ફોટો શેર કર્યો છે. પ્રિયંકાએ ઈન્સ્ટાગ્રામ સ્ટોરી પર પોતાનો આ ફોટો શેર કર્યો છે, જેમાં તેની ગરદન પર ડીપ કટ જોઈ શકાય છે. પ્રિયંકાએ પોસ્ટમાં જણાવ્યું હતું કે એક એક્શન સિક્વન્સના શૂટિંગ દરમિયાન તેને આ ઈજા થઈ હતી. પ્રિયંકાનો આ ફોટો સામે આવ્યા બાદ દેશી ગર્લના ફેન્સ ટેન્શનમાં છે. 'ધ બ્લફ'ના સ્ટંટ સીનનું શૂટિંગ કરતી વખતે ઈજાગ્રસ્ત
ફોટો શેર કરતી વખતે પ્રિયંકા ચોપરાએ કેપ્શનમાં લખ્યું - 'મારા પ્રોફેશનલ ફ્રન્ટનું મોટું જોખમ.' ફોટોની સાથે તેણે કેપ્શનમાં 'ધ બ્લફ' પણ લખ્યું છે, જે દર્શાવે છે કે જ્યારે અભિનેત્રીને આ ઈજા થઈ ત્યારે તે 'ધ બ્લફ'નો એક સ્ટંટ સીન શૂટ કરી રહી હતી. પ્રિયંકા ચોપરાની આ તસવીર સોશિયલ મીડિયા પર ઝડપથી વાઇરલ થઈ રહી છે. ફોટો જોઈને ચાહકો પ્રિયંકાને સાવચેત રહેવા અને પોતાનું ધ્યાન રાખવાનું કહી રહ્યા છે. જોકે, આ પહેલીવાર નથી જ્યારે પ્રિયંકા ફિલ્મના શૂટિંગ દરમિયાન ઘાયલ થઈ હોય. અભિનેત્રી અગાઉ 'સિટાડેલ'ના શૂટિંગ દરમિયાન પણ ઘાયલ થઈ હતી. 'ધ બ્લફ'ની વાર્તા શું છે?
'ધ બ્લફ' વિશે વાત કરીએ તો, તે 19મી સદીના કેરેબિયનમાં એક મહિલા ચાંચિયાની વાર્તા છે. પ્રિયંકા આ ફિલ્મમાં ચાંચિયાની ભૂમિકામાં જોવા મળશે. ફિલ્મમાં, પ્રિયંકાનું પાત્ર તેના પરિવારને બચાવવા માટે પ્રવાસ પર નીકળે છે જ્યારે તેના ભૂતકાળના રહસ્યમય પાપો તેના પરિવારની પાછળ પડી જાય છે. પ્રિયંકા છેલ્લે 'લવ અગેઇન'માં જોવા મળી હતી. આ ફિલ્મમાં ગ્લોબલ સ્ટાર સાથે એક્ટર સેમ હ્યુગન પણ હતો. ફિલ્મમાં પ્રિયંકા અને સેમનો રોમાન્સ દર્શકોને પસંદ આવ્યો હતો.

આ પ્રકારના તમામ સમાચાર માટેે App ડાઉનલોડ કરો.