જી.ઇ.બી.ની રેઇડ મામલે માથાકૂટ કરી હિમાંશુને અર્જુને ફડાકો ઝીંકી દીધો

રાજકોટ,તા.13
જામનગર રોડ પરની તુલસી વીલા સોસાયટીમાં આવેલા કોમન પ્લોનટમાં જે જીઇબીની રેઇડ પડી તેમાં તારો હાથ છે તેમ કહી યુવાનને સોસાયટીમાં રહેતા શખ્સેઈ ઝઘડો કરી ફડાકો મારતા પોલીસમાં ફરિયાદ થઇ હતી.

બનાવની વિગતો મુજબ,જામનગર રોડ પર તુલસી વીલા સોસાયટી બ્લોસક નં.1માં રહેતા હિમાંશુ સુરસિંહભાઇ યાદવ (ઉ.વ.30)એ ગાંધીગ્રામ પોલીસ મથકમાં સોસાયટીમાં રહેતા અર્જુન મનસુખભાઇ આહીર સામે ફરિયાદ નોંધાવી છે. હિંમાશુ યાદવે ફરિયાદમાં જણાવ્યું છે કે,પોતે રાત્રે પોતાના ઘર નજીક ચાલીને મોબાઇલ ફોનમાં વાત કરતો કરતો હતો ત્યારે સોસાયટીમાં રહેતો અર્જુન મનસુખભાઇ આહીર પોતાની પાસે આવેલ અને કહેલ કે,આપણા સોસાયટીના કોમન પ્લોસટમાં જી.ઇ.બી.ની રેઇડ પડેલ તેમાં તારો હાથ છે તેમ કહેતા પોતે આ રેઇડમાં મારો કોઇ હાથ નથી તેમ કહેતા અર્જુન પોતાની સાથે ઉંચા અવાજે બોલવા લાગ્યો હતો અને ઉશ્કેરરાઇને ગાલ પર ફડાકો મારી ને કહેલ કે તારાથી થાય તે કરી લેજે તેમ કહી જતો રહ્યો હતો.
બાદ પોતે ઘરે જઇ પોલીસમાં ફોન કરતા પોલીસની ગાડીમાં ગાંધીગ્રામ પોલીસ મથકમાં આવી ફરિયાદ નોંધાવી હતી.

આ પ્રકારના તમામ સમાચાર માટેે App ડાઉનલોડ કરો.