મવડીમાંથી દારૂની 25 બોટલ સાથે વિદ્યાર્થી પકડાયો: સપ્લાયર બુટલેગરના ઘરમાંથી પણ શરાબ કબ્જે

મવડીમાંથી પોલીસે દારૂની 25 બોટલ સાથે વિદ્યાર્થીને પકડી પાડ્યા બાદ પોલીસે તેને દારૂ સપ્લાય કરનાર બુટલેગરના ઘરમાં પણ દરોડો પાડી દારૂની 216 બોટલ કબ્જે કરી હતી. પરંતુ બુટલેગર ફરાર થઇ જતાં તેની શોધખોળ હાથ ધરી હતી. પોલીસે પાડેલા ત્રણ દરોડામાં રૂ.એક લાખનો મુદ્દામાલ જપ્ત કર્યો હતો.
પ્રથમ દરોડાની વિગત મુજબ એલસીબી ઝોન-2 ની ટીમે મવડી મેઈન રોડ વિશ્વેશ્વર મહાદેવ મંદિર પાછળ મારૂતિનંદન સોસાયટી શેરી નં-3 બાપા સીતારામ મઢુલી પાસેથી મુકુંદ મહેશભાઈ કવા (ઉ.વ.19, રહે. મવડી ગામ) ને દારૂની 1 બોટલ અને 24 નંગ ચપલા સાથે પકડી પાડી રૂ.7480 નો મુદ્દામાલ કબ્જે કર્યો હતો. આરોપીની પૂછતાછમાં તે અભ્યાસ કરતો હોવાનું અને દારૂ બુટલેગર દિલીપ ગોરધન છનિયારા પાસેથી મેળવ્યાની કબુલાત આપી હતી.
બાદમાં માલવિયાનગર પોલીસે મવડી મેઈન રોડ મારૂતીનંદન નગર શેરી નં.3 માં રહેતો દિલીપ ગોરધનભાઈ છનીયારાના રહેણાંક મકાનમાં દરોડો પાડી ઇંગલીશ દારૂની 60 બોટલ, ચપલા 156 અને બિયરના ટીન 240 નંગ કબ્જે કરી રૂ. 90,120 નો મુદ્દામાલ જપ્ત કરી ગુનો દાખલ કર્યો હતો. જ્યારે આરોપી નાસી છૂટતાં તેની શોધખોળ હાથ ધરી છે.
વધુ એક દરોડાની વિગત મુજબ આજીડેમ પોલીસ મથકનો સ્ટાફ પેટ્રોલિંગમાં હતો દરમિયાન ભાવનગર હાઈવે વિઠ્ઠલવાવ ગૌશાળા પાસેથી દારૂની 4 બોટલ સાથે રાજેશ વલ્લભભાઈ બાવળિયા (ઉ.વ.23, રહે. માંડા ડુંગર) ને દબોચી લીધો હતો.

આ પ્રકારના તમામ સમાચાર માટેે App ડાઉનલોડ કરો.