સાયલા તાલુકાની ગઢ પ્રાથમિક શાળામાં શાળા પ્રવેશોત્સવ અને કન્યા કેળવણી મહોત્સવની ઉત્સાહભેર ઉજવણી કરવામાં આવી

સાયલા તાલુકાની ગઢ પ્રાથમિક શાળામાં શાળા પ્રવેશોત્સવ અને કન્યા કેળવણી મહોત્સવની ઉત્સાહભેર ઉજવણી કરવામાં આવી. જેમાં સુરેન્દ્રનગર જિલ્લા યુવા વિકાસ અધિકારી ગોહિલ નાં વરદ હસ્તે શાળામાં બાલવાટિકાના 16 બાળકો અને ધોરણ એક ના ત્રણ બાળકોને પ્રવેશ આપી શિક્ષણ કાર્યના શ્રી ગણેશ કરાવ્યા. ઉપરાંત શાળામાં ગત વર્ષમાં ધોરણ 3 થી 8 માં પ્રથમ નંબર મેળવનાર તેજસ્વી તારલાઓનું સન્માન ,શાળામાં મદદરૂપ થનાર દાતાશ્રીઓનું સન્માન, પ્રતિભાશાળી શિક્ષક શૈલેષભાઈ તેમજ વિવિધ પરીક્ષામાં મેરીટ માં આવનાર વિદ્યાર્થીઓનું સન્માન કરવામાં આવ્યું. કાર્યક્રમના અંતે શિક્ષક જે.વી કાલીયાએ આભાર વિધિ કર્યા બાદ શાળામાં વૃક્ષારોપણ કાર્યક્રમ નીપુણ ભારત સાહિત્ય નિદર્શન કરાવવામાં આવ્યું શાળાના પ્રવેશોત્સવ કાર્યક્રમમાં વાલીઓ પણ મોટી સંખ્યામાં હાજર રહ્યા અને કાર્યક્રમને સફળ બનાવ્યો બાળકોના તિથીભોજન સાથે કાર્યક્રમ પૂર્ણ કરાયો.

રિપોર્ટર : રણજીતભાઈ ખાચર
સાયલા, જી, સુરેન્દ્રનગર

આ પ્રકારના તમામ સમાચાર માટેે App ડાઉનલોડ કરો.