સ્ટેટ મોનિટરિંગ સેલ દ્વારા  રેડ કરતા હિંમતનગર-ઇડર રોડ પરથી રુપીયા 2.61 લાખનો દારૂ ઝડપાયો

હિંમતનગર ઇડર સ્ટેટ હાઇવે પર હિંગળાજ ગામની નજીકથી રવિવારે સ્ટેટ મોનિટરિંગ સેલ દ્વારા કરવામા આવેલી રેડ દરમિયાન દારૂના ફેરા  મારતો શખ્સ ફરાર થઈ જવામાં સફળ રહ્યો હતો. એસએમસીએ 2.61 લાખનો દારૂનો જથ્થો કબ્જે લઈ જાદર પોલીસ સ્ટેશનમાં નોંધાવેલ ફરિયાદમાં કુલ ચાર શખ્સોને ફરાર બતાવ્યા છે.
સ્ટેટ મોનિટરિંગ સેલ દ્વારા તા.23-06-24ના રોજ હિંમતનગર ઇડર સ્ટેટ હાઇવે પર રનીંગ રેડ કરાઇ હતી. જેમાં હિંગળાજ ગામના હિંગળાજ માતા મંદિર નજીકથી શંકાસ્પદ કાર નંબર એમએચ-06-બીઇ-9607ને ઝડપી પાડવામાં સફળતા મળી હતી. પરંતુ કારનો ચાલક પોલીસને જોઈ કાર મૂકીને ફરાર થઈ ગયો. એસએમસીએ કારની તપાસ કરતાં 1366 બોટલ કિંમત રૂ.2,61,688નો દારૂનો જથ્થો મળી આવતાં રૂ.4 લાખનું વાહન અને 2.61 લાખનો દારૂ કબજે લઈ જાદર પોલીસ સ્ટેશનમાં વાહનના ચાલક, માલિક, દારૂનો સપ્લાય આપનાર તથા દારૂની ડિલિવરી લેનાર કુલ ચાર શખ્સો સામે વિરુદ્ધ ફરિયાદ નોંધાવી હતી.

આ પ્રકારના તમામ સમાચાર માટેે App ડાઉનલોડ કરો.