દિલ્હી ચૂંટણી- થોડીવારમાં કાઉન્ટિંગ શરૂ:ચોથીવાર AAP સરકાર કે પછી 27 વર્ષ બાદ BJPની વાપસી? આજે નક્કી થઈ જશે

દિલ્હી વિધાનસભા ચૂંટણીના પરિણામો થોડા સમયમાં આવવા લાગશે. 5 ફેબ્રુઆરીએ 70 બેઠકો માટે 60.54% મતદાન થયું હતું. મતદાન પછી, 14 એક્ઝિટ પોલ જાહેર કરવામાં આવ્યા. જેમાં ભાજપ 12માં અને કેજરીવાલ 2માં સરકાર બનાવશે. જો ભાજપ સરકાર બનાવે છે તો તે 27 વર્ષ પછી સત્તામાં પાછી આવશે. આ પહેલા 1993માં ભાજપે 49 બેઠકો જીતી હતી અને 5 વર્ષમાં 3 મુખ્યમંત્રી બદલ્યા હતા. મદનલાલ ખુરાના, સાહિબ સિંહ વર્મા અને સુષ્મા સ્વરાજ. તેવી જ રીતે, 2020માં, કેજરીવાલ ત્રીજી વખત મુખ્યમંત્રી બન્યા, પરંતુ દારૂ કૌભાંડમાં જેલમાંથી બહાર આવ્યા પછી તેમણે રાજીનામું આપ્યું. તેઓ 4 વર્ષ 7 મહિના અને 6 દિવસ સુધી મુખ્યમંત્રી રહ્યા. આ પછી આતિશી મુખ્યમંત્રી બન્યાં. તેઓ 4 મહિના અને 19 દિવસ (8 ફેબ્રુઆરી સુધી) મુખ્યમંત્રી રહ્યાં છે. દિલ્હીના મુખ્ય ચૂંટણી અધિકારી (CEO) એલિસ વાઝે જણાવ્યું હતું કે મતગણતરી પર નજર રાખવા માટે 5,000 લોકોની ટીમ તહેનાત કરવામાં આવી છે. યોગ્ય ગણતરી પ્રક્રિયા માટે, દરેક વિધાનસભા મતવિસ્તારમાં 5 મતદારો VVPAT (વેરિફાઇબલ પેપર ઓડિટ ટ્રેલ્સ) ની રેન્ડમ પસંદગી કરવામાં આવશે. TOPIC: DELHI ELECTION RESULT

આ પ્રકારના તમામ સમાચાર માટેે App ડાઉનલોડ કરો.