પશ્ચિમ બંગાળમાં સિલિન્ડર બ્લાસ્ટ, 7 લોકોના મોત:મૃતકોમાં 4 બાળકો અને 2 મહિલાઓ સામેલ, ઘરમાં રાખેલા ફટાકડા સળગવાથી આગ ફેલાઈ
પશ્ચિમ બંગાળના દક્ષિણ 24 પરગણા જિલ્લાના પાથર પ્રતિમા વિસ્તારમાં સોમવારે રાત્રે ગેસ સિલિન્ડર વિસ્ફોટમાં સાત લોકોના મોત થયા હતા. મૃતકોમાં 4 બાળકો અને 2 મહિલાઓનો સમાવેશ થાય છે. જ્યારે, એક ઘાયલ મહિલાને સારવાર માટે હોસ્પિટલમાં દાખલ કરવામાં આવી છે. સુંદરબન જિલ્લાના એસપી કોટેશ્વર રાવના જણાવ્યા અનુસાર, આ અકસ્માત રાત્રે 9 વાગ્યે પાથર પ્રતિમા બ્લોકના ઢોલાઘાટ ગામમાં થયો હતો. બધા મૃતદેહો મળી આવ્યા છે. મૃત્યુ પામેલા લોકો એક જ પરિવારના છે. શરૂઆતની તપાસમાં પોલીસને ખબર પડી કે 2 ગેસ સિલિન્ડરમાં બ્લાસ્ટ થયો હતો. આના કારણે ઘરમાં રાખેલા ફટાકડા પણ બળી ગયા, જેના કારણે આગ વધુ ઝડપથી ફેલાઈ ગઈ. આ ઘટનામાં 7 લોકોના મોત થયા હતા. પોલીસ વધુ તપાસ કરી રહી છે કે ઘરમાં ફટાકડા બનાવવાનો કોઈ ગેરકાયદે ધંધો ચાલી રહ્યો હતો કે કેમ. સિલિન્ડર બ્લાસ્ટની 3 તસવીરો બચાવ કાર્ય પૂર્ણ થયું, પોલીસ તપાસમાં વ્યસ્ત
પોલીસે જણાવ્યું કે આગની માહિતી મળતા જ ફાયર બ્રિગેડ અને પોલીસની ટીમ ઘટનાસ્થળે પહોંચી ગઈ હતી. સ્થાનિક વહીવટીતંત્રની મદદથી રાહત અને બચાવ કામગીરી શરૂ કરવામાં આવી હતી. હવે પરિસ્થિતિ નિયંત્રણમાં છે. આગ પર કાબુ મેળવી લેવામાં આવ્યો છે. બચાવ કામગીરી પૂરી થઈ ગઈ છે. હાલમાં આ વિસ્તારને કોર્ડન કરી દેવામાં આવ્યો છે. તપાસ ચાલુ છે.
આ પ્રકારના તમામ સમાચાર માટેે
App ડાઉનલોડ કરો.