ઈન્ડિયન યોગ એસોસિએશનનું ત્રણ દિવસીય રાષ્ટ્રીય અધિવેશન આર્ટ ઓફ લિવિંગનાં હેડક્વાર્ટર ખાતે શરૂ થયું.
ઈન્ડિયન યોગ એસોસિએશનનું ત્રણ દિવસીય રાષ્ટ્રીય અધિવેશન આર્ટ ઓફ લિવિંગનાં હેડક્વાર્ટર ખાતે શરૂ થયું.
સ્વસ્થ શરીર, મન અને જીવન માટે યોગ ખૂબ જ મહત્વપૂર્ણ છે - શ્રી શ્રી રવિશંકરજી
કોવિડ પછી, સમગ્ર વિશ્વમાં ધ્યાન, યોગ અને વેલનેસ પ્રત્યે નવું આકર્ષણ છે - આચાર્ય લોકેશજી
આર્ટ ઓફ લિવિંગ ઈન્ટરનેશનલ સેન્ટર, બેંગલુરુ ખાતે યોગની નીતિઓ અને સંશોધન અંગે ભારતીય યોગ સંઘની ત્રણ દિવસીય રાષ્ટ્રીય પરિષદનો પ્રારંભ થયો હતો. આ પ્રસંગે એ.ઓ.એલનાં સ્થાપક શ્રી શ્રી રવિશંકરજી અને ભારતીય યોગ સંઘનાં અધ્યક્ષ આચાર્ય લોકેશજી, સંસ્થાપક અહિંસા યોગ અને ધ્યાન, આઈ.વાય.એનાં સ્થાપક ડૉ. એચ.આર. નાગેન્દ્રજી, પ્રમુખ ડૉ. હંસા યોગેન્દ્રજી, વિવેકાનંદ યુનિવર્સિટીનાં સ્વામી શ્રી આત્માપ્રિયા નંદાજી, મહામંત્રી સુબોધ તિવારીજી, બસવા રેડ્ડીજીએ દીપ પ્રગટાવીને કાર્યક્રમનું ઉદઘાટન કર્યું હતું.
તેમના ઉદઘાટન સંબોધનમાં, આર્ટ ઓફ લિવિંગનાં સ્થાપક અને આઈ.વાય.એનાં અધ્યક્ષ શ્રી શ્રી રવિ શંકરજીએ જણાવ્યું હતું કે, “યોગ એ જીવનનો અભ્યાસ છે - શરીર, શ્વાસ, મન, બુદ્ધિ, સ્મરણશક્તિને સંતુલિત કરીને તમારી જાગૃતિનો વિસ્તાર કરવો, તમારી બુદ્ધિને તેજ બનાવવી અને તમારી સાહજિક ક્ષમતાઓને વધારે છે.”અહિંસા યોગ અને ધ્યાન કેન્દ્રનાં સ્થાપક આચાર્ય લોકેશજીએ જણાવ્યું હતું કે, “યોગ એ આપણો વારસો છે, જેનો એક પુરાવો એ છે કે તમામ જૈન તીર્થંકરોની મૂર્તિઓ ધ્યાન અને યોગની મુદ્રામાં છે. યોગ આપણી અંદર રહેલી નકારાત્મકતાને દૂર કરે છે. મનની શાંતિથી લઈને વિશ્વ શાંતિ સુધી બધું જ યોગ દ્વારા પ્રાપ્ત કરી શકાય છે. તેમણે કહ્યું કે કોવિડ પછી સમગ્ર વિશ્વમાં યોગની માંગ વધી છે. યોગથી માત્ર શારીરિક રોગોથી છુટકારો નથી મળતો, પરંતુ માનસિક રોગોથી પણ છુટકારો મેળવવામાં મદદ કરે છે.ડૉ. હંસાજી યોગેન્દ્ર, પ્રમુખ, આઈ.વાય.એ એ જણાવ્યું હતું કે યોગ હાથ, હૃદય અને માથું (મગજ) ને શુદ્ધ અને સ્વસ્થ બનાવે છે. તેનાથી વિશ્વ સુંદર બનશે. તેમણે આ માટે સતત અભ્યાસ પર ભાર મૂક્યો હતો.
ગુરુજી ડૉ. એચઆર નાગેન્દ્ર, સ્થાપક સભ્ય, આઈ.વાય.એ એ વર્ણવ્યું કે કેવી રીતે તેઓ અને શ્રી ઈશ્વર બી.એસ.પી રેડ્ડી ગવર્નિંગ કાઉન્સિલનાં સભ્ય શ્રી બી.કે.એસ આયંગરને ભારતીય યોગ સંઘનો શિલાન્યાસ કરવા મળ્યા હતા. તેમણે કહ્યું કે યોગ ભારતને સ્વસ્થ અને સમૃદ્ધ બનાવશે. શ્રી બસવરેડ્ડીએ કહ્યું કે, “જે યોગ દ્વારા વર્તમાનમાં જીવવાનું શીખે છે તેનું ભવિષ્ય પણ ઉજ્જવળ છે.” મંચનું સંચાલન કરતી વખતે પ્રારંભમાં મહામંત્રી સુબોધ તિવારીએ કાર્યક્રમની રૂપરેખા રજૂ કરી હતી.
રિપોર્ટ નટવરલાલ ભાતિયા
આ પ્રકારના તમામ સમાચાર માટેે
App ડાઉનલોડ કરો.