શહેરા તાલુકામાં વનવિભાગે પાસ પરમિટ વગર લાકડા ભરેલી ટ્રકો ઝડપી પાડી
શહેરા,
પંચમહાલ જીલ્લાના શહેરા તાલુકામા રાત્રીના સમયે ગેરકાયદેસર લાકડાની હેરાફેરી કરનારાઓ બેફામ બન્યા છે.જેમા શહેરા વનવિભાગ દ્વારા નાઈટ પ્રેટોલિંગમાં અલગ અલગ જગ્યાએ રેડ કરી લાકડા ભરેલા બે વાહનો ઝડપી પાડી કાયદેસરની કાર્યવાહી હાથ ધરતા લાકડાની હેરાફેરી કરનારાઓમા ફફડાટ વ્યાપી ગયો હતો.
શહેરા વનવિભાગના રેન્જ ફોરેસ્ટ ઓફીસર રોહિતકુમાર પટેલ તેમજ વનવિભાગની ટીમ અણીયાદ થી રેણા જવાના રસ્તા પર પેટ્રોલિંગમાં હતી. તે સમયે પસાર થતી એક ટ્રકને વનવિભાગની ટીમે રોકી હતી.અને તપાસ કરતા ટ્રકમાં લાકડા ભરેલા હતા. અને તેની અંગે પાસ પરમિટ માંગતા મળી આવી ન હતી.બીજા તપાસમાં શહેરા-ગોધરા રોડ પર લાકડા ભરેલી ટ્રક ઉભી રખાવીને પાસ પરમીટ માંગતા મળી આવી ન હતી.વનવિભાગે પાસ પરમિટ વગર રીતે ગેરકાયદેસર રીતે લાકડા ભરેલા વાહનો સહીત પાંચ લાખ રુપિયાનો મુદ્દામાલ ઝડપી પાડી કાયદેસરની કાર્યવાહી હાથ ધરી છે.
રિપોર્ટર,વિનોદ પગી પંચમહાલ
.
આ પ્રકારના તમામ સમાચાર માટેે
App ડાઉનલોડ કરો.