રાજકોટ મહાનગરપાલિકાએ ૧૦૮ માટે ટ્રાફિક સિગ્નલ ગ્રીન થઈ જશે.
રાજકોટ મહાનગરપાલિકાએ ૧૦૮ માટે ટ્રાફિક સિગ્નલ ગ્રીન થઈ જશે.
રાજકોટ શહેર તા.૨૨/૧૦/૨૦૨૪ ના રોજ ઇમર્જન્સીમાં મદદરૂપ બનતી ૧૦૮ એમ્બ્યુલન્સને સ્થળ પર પહોંચવા શહેરના મુખ્ય ચોકમાં ટ્રાફિક સિગ્નલ પર લાગતો વધારાનો સમય હવે દૂર થશે. રોડ સેફટી મિટિંગમાં આ અંગે ૧૦૮ ના પ્રોજેક્ટ કો-ઓર્ડીનેટર ચેતન ગાધેએ ટ્રાફિક સિગ્નલ ૧૦૮ એમ્બ્યુલન્સ માટે ખુલી જાય તે માટે રાજકોટ મહાનગરપાલિકાના અધિકારીઓને આ અંગે વિચાર રજુ કરતા ટ્રાફિક સિગ્નલ વિભાગના અધિકારીઓ દ્વારા ટેક્નિકલ સપોર્ટ અંગે ચકાસણી કરવા જણાવ્યું હતું. આ અંગે આઈ.ટી.વિભાગમાં સ્માર્ટ સિગ્નલને GPS સાથે જોડી કંટ્રોલ કરી શકાય છે, તે અંગે હકારાત્મક પ્રત્યુત્તર મળતા હવે ટૂંક સમયમાં ટ્રાયલ રન કરવામાં આવશે તેમ ચેતન ગાધેએ જણાવ્યું છે. ટ્રાયલ રન અંગે વધુ વિગત આપતા તેઓએ કહ્યું હતું કે, સૌ પ્રથમ રૈયા ચોક તેમજ ત્રિકોણબાગ ખાતે આ પ્રેક્ટિસ કરાશે. ૧૦૮ એમ્બ્યુલન્સ સિગ્નલના ૫૦૦ મીટરના એરિયામાં પ્રવેશતા જ સિગ્નલ ગ્રીન થઈ જશે. જેના પરિણામે ૧૦૮ ને આગળનો ટ્રાફિક ક્લિયર કરવામાં સમય બચશે અને એમ્બ્યુલન્સ મુખ્ય ચાર રસ્તા પાસે પહોંચતા જ તેને પસાર થવા માટે રાહ નહીં જોવી પડે. આ પ્રકારે વ્યવસ્થા ઉભી થતાં પીક અવર્સમાં એમ્બ્યુલન્સનો રિસ્પોન્સ ટાઈમ ૨ થી ૪ મિનિટ જેટલો ઘટી શકે. જેનો સીધો લાભ દર્દીને મળશે. આ પ્રકારે હાલ બરોડામાં આદર્શ રોડ પર આ પ્રકારે વ્યવસ્થા હોવાનું તેઓએ જણાવ્યું છે. સ્માર્ટ સિટીમાં ઈમરજન્સી સેવા માટે ઉપયોગી વાહનો માટે આ પ્રકારે વ્યવસ્થા ઉભી કરવા ખાસ ગાઈડલાઈન પણ હોય છે, રાજકોટ શહેરમાં મહાનગરપાલિકા દ્વારા સ્માર્ટ સિગ્નલ સાથે ૧૦૮ સહિતની GPS ધરાવતી ઈમરજન્સી સેવાને નવું બળ મળશે.
7383749700
આ પ્રકારના તમામ સમાચાર માટેે
App ડાઉનલોડ કરો.