કાર શીખી રહેલા યુવકે 5ને ફંગોળ્યા, VIDEO:ત્રણ યુવકો ત્યાં જ પટકાયા, અન્ય બેને કારે 20 મીટર સુધી ઢસડ્યા; 5 સેકેન્ડમાં જ લોકોના જીવ તાળવે ચોંટ્યા

શનિવારે હરિયાણાના કૈથલમાં ચીકા અનાજ માર્કેટમાં ખુરશીઓ પર બેસીને વાતો કરી રહેલા પાંચ યુવકોને કાર ચલાવતા શીખતા યુવકે ટક્કર મારી હતી. સમગ્ર ઘટનાનો સીસીટીવી વીડિયો પણ સામે આવ્યો છે. ત્રણ યુવકો કૂદીને ત્યાં પટકાયા હતા, જ્યારે બેને કાર 20 મીટર સુધી ઢસડી ગઈ હતી. સમગ્ર ઘટના 5 સેકન્ડમાં બની હતી. ઘટનાની જાણ થતાં આસપાસના લોકો ઘટનાસ્થળે પહોંચી ગયા હતા અને કારમાં સવાર બંને લોકોને પકડી લીધા હતા. આ પછી ઘાયલોને ચીકાની સરકારી હોસ્પિટલમાં લઈ જવામાં આવ્યા હતા. જેમાં બે યુવાનો ગંભીર રીતે ઘાયલ થયા હતા. પાંચેય યુવકો અનાજ માર્કેટમાં મુનીમ તરીકે કામ કરે છે. આ મામલે પોલીસને જાણ કરવામાં આવી હતી. 4 તસવીરોમાં સંપૂર્ણ અકસ્માત.... સીસીટીવીમાં શું દેખાયું... સીસીટીવી ફૂટેજ મુજબ શનિવારે બપોરે 2.50 કલાકે ચીકાના અનાજ માર્કેટમાં દુકાનની બહાર 5 યુવકો ખુરશી પર બેઠા હતા. ત્યારે એક સફેદ કાર આવી અને પાંચેયને ટક્કર મારી. ટક્કર મારતા ખુરશીઓ તૂટી ગઈ હતી. ત્રણ લોકો ઘટનાસ્થળે જ પડ્યા હતા. આ પછી ત્રણેય પોતપોતાની રીતે ઊભા થઈને બાજુમાં ગયા. કાર બે લોકોને ખેંચીને દૂર લઈ ગઈ હતી. એક વ્યક્તિ કારના બોનેટ પરથી ઊછળીને પડ્યો હતો, જ્યારે બીજાને કાર ખેંચીને લઈ જઈ રહી હતી. બૂમાબુૂમ સાંભળીને આસપાસના લોકો દોડી આવ્યા હતા. કારમાંથી બે યુવકો નીચે ઊતર્યા હતા. એક યુવક ઘાયલની સંભાળ લેવા લાગ્યો. ત્યારબાદ ત્યાં આવેલા લોકોએ કારમાં બેઠેલા બંને યુવકોને ઝડપી લીધા હતા. લોકોના કહેવા પ્રમાણે, યુવક અનાજ બજારમાં કાર ચલાવતા શીખતો હતો. આ દરમિયાન યુવકનો પગ બ્રેકના બદલે એક્સીલેટર પર પડ્યો હતો. આ પછી કાર ઝડપથી દોડવા લાગી. યુવકે તેને કાબૂમાં લેવાનો પ્રયાસ કર્યો હતો, પરંતુ કાર પાંચેયને ટક્કર મારતાં પસાર થઈ ગઈ હતી.

આ પ્રકારના તમામ સમાચાર માટેે App ડાઉનલોડ કરો.