નબીપુર સાર્વજનિક હાઈસ્કૂલના શિક્ષકનો વિદાય સમારંભ યોજાયો
નબીપુર સાર્વજનિક હાઈસ્કૂલના શિક્ષક નો વય મર્યાદાને કારણે નિવૃત્ત થતા વિદાય સમારંભ યોજાયો હતો. જેમાં સ્કૂલના સ્ટાફ સહિત સ્કૂલના પ્રમુખ ઉપપ્રમુખ અને સભ્યો ઉપસ્થિત રહ્યા હતા. ભરૂચ જિલ્લાના નબીપુર ગામ સ્થિત નબીપુર સાર્વજનિક હાયર સેકન્ડરી સ્કુલ મા ફરજ બજાવતા શિક્ષક શ્રી ઉસમાનગની ઇસ્માઇલ દિવાન જેઓએ ૨ એપ્રિલ ૧૯૯૪ ના દિવસે નબીપુર હાઈસ્કુલમાં પોતાની ફરજ બજાવવાનું ચાલુ કર્યું તેઓ આજરોજ પોતાની વયમર્યાદા ના કારણે સેવાનિવૃત્ત થયા છે. તેઓ એક ઉમદા શિક્ષક ની સાથે સેવાભાવી અને વિદ્યાર્થીઓમાં લોકપ્રિય હતા.તેમનો બાળકો સાથે શિક્ષકની સાથેસાથે મિત્રતાની સંબન્ધ વધુ હતી. આજના તેમના વિદાય સમારંભમાં તેમને શાળા પરિવાર તરફથી પુષ્પગુચ્છ અને પુષ્પમાળા પહેરાવી તેમનું સન્માન કરાયું હતું. શાળાના આચાર્યો પોતાના વક્તવ્યમાં નિવૃત્ત થનાર શિક્ષકની પોતાની ફરજ પ્રત્યેની નિષ્ઠા,તેમની જવાબદારીઓ અને બાળકો સાથેનો તેમનો લગાવ અંગે વિસ્તૃત વાત કરી હતી. આ પ્રસંગે નબીપુર એજ્યુકેશન એન્ડ વૈલફર કમિટીના પ્રમુખ ઉપપ્રમુખ અને સભ્યો પણ ઉપસ્થિત રહ્યા હતા અને તેઓએ પણ નિવૃત્ત થતા શિક્ષકને કૂલમાળાઓ પહેરાવી માનભેર વિદાય આપી હતી. નિવૃત્ત થતા શિક્ષક ઉસમાનગની દીવાને પોતાના વિદાય પ્રવચન દરમ્યાન શાળા પરિવાર શિક્ષણ કમિટી નબીપુર અને બાળકોનો આભાર માન્યો હતો અને તેઓ પોતાના પ્રવચન દરમ્યાન બાળકોને છોડતા ભાવુક થઈ ગયા હતા.
સોહેલ મન્સુરી ભરૂચ
9998412562
9998412562
આ પ્રકારના તમામ સમાચાર માટેે
App ડાઉનલોડ કરો.