કાલાવડ દશેરાની મોડી સાંજે કમોસમી વરસાદ પડતા ખેડૂતો માથે આભ તુટી પડ્યું
તા.12/10/2024
જામનગર : કાલાવડ
બ્રેકિંગ ન્યુઝ:
કાલાવડ, 12 ઓક્ટોબર, 2024 – કાલાવડ અને આસપાસના ગ્રામ્ય વિસ્તારોમાં દશેરાની મોડી સાંજે કમોસમી વરસાદને કારણે લોકો અને ખેડૂતોમાં ચિંતાનું વાતાવરણ છવાયેલું છે. શહેર તથા તાલુકાના અનેક ગામોમાં વીજળીના કડાકા-ભડાકા સાથે ત્રણ ઇંચથી વધુ વરસાદ ખાબક્યો, જેના કારણે ખેતરોમાં પાણી ભરાઈ જવાથી ખેડૂતોમાં નિરાશા જોવા મળી રહી છે.
કાલાવડ શહેર ઉપરાંત નીકાવા, આણંદપર, શિશાંગ, ખડ ધોરાજી, બેડીયા, નાના વડાલા અને પાતા મેઘપર , મોટી વાવડી, નવાગામ, જામવાળી, સણોસરા તેમજ સમગ્ર ગ્રામ્ય વિસ્તારોમાં ભારે વરસાદ પડ્યો. આ કમોસમી વરસાદને કારણે ખેતરોમાં ઊભા પાકોને ભારે નુકસાન થવાની શક્યતા છે, અને તેનાથી ખેડૂત વર્ગમાં ચિંતાનો માહોલ છે.
કાલાવડ વિસ્તારમાં વીજળીના કડાકા-ભડાકા સાથે વરસાદ પડ્યો, જેના કારણે કેટલાક વિસ્તારોમાં વીજ પુરવઠા ખોરવાઈ ગયો.તેમજ ટીસી બળી ગયા છે.વિજળીના આકસ્મિક પડાછણાંને લીધે લોકોમાં ભયનું વાતાવરણ છે.
કમોસમી વરસાદ ખેડૂતો માટે મુશ્કેલીનું કારણ બની છે. હાલમાં ખેતરોમાં ઊભેલા પાકો, જેમ કે કપાસ, મગફળી અને અન્ય શિયાળુ પાકોને નુકસાન થવાની ભીતિ છે. પાણી ભરાવાને કારણે જમીન અને પાકને આર્થિક નુકસાનનો સામનો કરવો પડી શકે છે. વરસાદી માહોલ લાંબો ખેંચાશે કે નહીં તે અંગે સ્થિતિ અસ્પષ્ટ છે, અને ખેડૂતો આબોહવાની પરિસ્થિતિ અંગે વધુ માહિતીની રાહ જોઈ રહ્યા છે.
સ્થાનિક પ્રશાસન દ્વારા વરસાદની પરિસ્થિતિ પર નજર રાખવામાં આવી રહી છે. જાગૃત રહીને બચાવના પગલાં લેવા તેમજ વરસાદના વધારાના પ્રભાવને ધ્યાનમાં રાખી જરૂરી પગલાં લેવાના પ્રયાસો ચાલી રહ્યા છે.
ખેડૂતોના નુકસાનની તાત્કાલિક સરવે કરીને સરકારને જાણ કરવા અને જરૂરી સહાય પૂરી પાડવા માટે ગ્રામ્ય સ્તરે અધિકારીઓને સૂચના આપવામાં આવી છે.
રિપોર્ટર : હિરેન દોંગા કાલાવડ
9909426495
આ પ્રકારના તમામ સમાચાર માટેે
App ડાઉનલોડ કરો.