સોનાક્ષીએ વેડિંગ રિસેપ્શન પાર્ટીનો વીડિયો શેર કર્યો:સલમાનને હગ કર્યું તો રેખાને કહ્યું, રડશો નહીં; રાજકુમાર રાવ અને અનિલ કપૂરે શાનદાર ડાન્સ કર્યો

સોનાક્ષી સિંહાએ 23 જૂને લોન્ગ ટાઈમ બોયફ્રેન્ડ ઝહીર ઈકબાલ સાથે લગ્ન કર્યા હતા. એક્ટ્રેસે હાલમાં જ તેના સોશિયલ મીડિયા એકાઉન્ટ પર રિસેપ્શન સેરેમનીનો વીડિયો શેર કર્યો છે. વીડિયોમાં જ્યારે સોનાક્ષી અનિલ કપૂર સાથે ડાન્સ કરી રહી હતી ત્યારે તે સલમાન ખાનને ગળે લગાવતી પણ જોવા મળી હતી. પાર્ટી દરમિયાન સોનાક્ષી ભાવુક થઈ ગઈ હતી અને રેખાને ન રડવાની વિનંતી કરતી જોવા મળી હતી. આ વીડિયોમાં કાજોલ, અરબાઝ ખાન, રાજકુમાર રાવ, આયુષ શર્મા, હુમા કુરેશી અને સાકિબ સલીમ સહિત ઘણા સેલેબ્સ જોરદાર ડાન્સ કરતા જોવા મળ્યા હતા. આ પાર્ટીમાં સોનાક્ષીના માતા-પિતા શત્રુઘ્ન અને પૂનમ સિંહા પણ સાથે જોવા મળ્યા હતા. એક્ટ્રેસે કહ્યું- 'એપિક પાર્ટી તૈયાર છે'
વીડિયો શેર કરતી વખતે સોનાક્ષીએ કેપ્શનમાં લખ્યું, 'લગ્ન, અનુભવો અને આનંદ કરો... જેમ આપણે કર્યું હતું. અમારા લગ્નને સંપૂર્ણ બનાવવા માટે મારા તમામ મિત્રો, પરિવાર અને ટીમનો આભાર. સોના અને ઝહીરના લગ્ન... એક એપિક પાર્ટી તો બનતી હૈ બોસ..' પ્રીતિ-હુમા સહિત અનેક સેલેબ્સે કોમેન્ટ કરી
પ્રીતિ ઝિંટા, હુમા કુરેશી અને એક્ટ્રેસની નણંદ સનમ રત્નાસીએ પણ સોનાક્ષીના આ વીડિયો પોસ્ટ પર કમેન્ટ કરી છે. પ્રીતિએ લખ્યું, 'તમારા બંને માટે ખૂબ જ ખુશ. વેલકમ ટુ ધ મેરિડ ક્લબ.' 23 જૂને દિવસ દરમિયાન રજિસ્ટર્ડ મેરેજ કર્યા બાદ સોનાક્ષીએ આ રિસેપ્શન પાર્ટી શિલ્પા શેટ્ટીની રેસ્ટોરાં બેસ્ટિયનમાં રાત્રે આપી હતી. લગ્ન પહેલાં બંનેએ 7 વર્ષ સુધી એકબીજાને ડેટ કર્યા હતા.

આ પ્રકારના તમામ સમાચાર માટેે App ડાઉનલોડ કરો.