સગીરે બેફામ સ્કોર્પિયો ચલાવી કાર – બાઈકનો બુકડો વાળી દીધો
રાજકોટમાં સ્ટંટ કરતા યુવાનોના વીડિયો ભારે વાઈરલ થઈ રહ્યા છે. રોજ એકાદ વીડિયો સામે આવે છે. ત્યારે આમ્રપાલી ફાટક પાસે સુભાષનગર રોડ પર આજે એક સ્કોર્પિયો ચાલકે લોકોના જીવ જોખમમાં મુક્યા હતા. જેમાં પાછળથી ખુલાસો થયો હતો કે, સ્કોર્પિયો ચાલક સગીર છે. આ સગીરે બેફામ સ્કોર્પિયો ચલાવી એક કાર અને બે બાઈકનો બુકડો વાળી દીધો હતો.
ઓવર સ્પીડમાં આવેલ સ્કોર્પિયો કારે આ અકસ્માત સર્જયો હતો. એક કાર અને બે બાઇકમાં નુકસાન થયું હતું. નજરે જોનાર સ્થાનિકોએ કહ્યું કે, આશરે 120ની સ્પીડે કાર હંકારી ચાલકે આ અકસ્માત સર્જયો છે. બનાવ બન્યો ત્યારે ત્યાં પોલીસની વાન હોય, તુરંત આ વાન સ્કોર્પિયો ચાલકને પકડવા પાછળ થઈ હતી. સ્થાનિકોએ કહ્યું, પંચર હોવા છતાં સ્કોર્પિયો બેફામ હંકારી લોકોના જીવ જોખમમાં મુક્યા હતા.
સદનસીબે કોઈને ઇજા થઇ નથી. પોલીસે સગીર સહિત બે ને પકડ્યા હતા. જોકે જેના વાહનોમાં નુકસાન થયું છે તેની સાથે સગીરાના પરિવારે સમાધાન કરી લેતા બપોર સુધીમાં કોઈ ગુનો દાખલ થયો નથી. તેવું પોલીસ સૂત્રો જણાવી રહ્યા છે.
9879405838
આ પ્રકારના તમામ સમાચાર માટેે
App ડાઉનલોડ કરો.