હૃતિકની ગર્લફ્રેન્ડ સબા છે બેરોજગાર:પોસ્ટ શેર કરીને લખ્યું, ‘એક ફેમસ એક્ટરને ડેટ કર્યું એટલે કામ નથી મળી રહ્યું’

બોલિવૂડના ફેમસ કપલ્સ લિસ્ટમાં હૃતિક રોશન અને સબા આઝાદનો સમાવેશ થાય છે. સબાએ તેના સોશિયલ મીડિયા એકાઉન્ટ પર એક પોસ્ટ શેર કરી અને કહ્યું કે 'તેને અઢી વર્ષથી કામ નથી મળી રહ્યું.' તેમણે ખુલાસો કર્યો કે હૃતિકને ડેટ કર્યા પછી તેમને કોઈ વોઇસ ઓવરનું કામ નથી મળી રહ્યું. એક્ટ્રેસે આ સાથે જોડાયેલી એક પોસ્ટ શેર કરી અને જણાવ્યું કે તેમને કેવા પ્રકારની સમસ્યાઓનો સામનો કરવો પડી રહ્યો છે. સ્ટોરી શેર કરતા સબાએ લખ્યું- હું મારા કામ પર પરત આવી ગઈ છું. હું લગભગ બે વર્ષ પછી વોઈસ ઓવર કરી રહીછું. પણ હું તમને જણાવી દઉં કે મે બે વર્ષ પછી કેમ કમબેક કર્યું. તમારામાંથી કેટલાક જાણતા હશે અને કેટલાક જાણતા નથી. હું ઘણાં વર્ષોથી વૉઇસ આર્ટિસ્ટ તરીકે કામ કરતી હતી. મેં 100થી વધુ જાહેરાતો માટે ડબ કર્યું છે. મને વોઈસ ડબિંગ કરવાનું બહુ ગમે છે. મને ઘણી જાહેરાતોમાં ઘણા સારા નિર્દેશકો સાથે કામ કરવાની તક મળી. જરા કલ્પના કરો કે આ મારા માટે કેટલું મૂંઝવણભર્યું હશે. જ્યાં અઢી વર્ષ પહેલાં મને દર મહિને 6 થી 8 વોઈસ આર્ટિસ્ટનું કામ મળતું હતું. હવે એક પણ કામ મળતું નથી. હા, તમે તે સાચું સાંભળ્યું છે. એક દિવસ હું જાગી ગઈ અને સમજાયું કે મેં મહિનાઓથી કોઈ કામ કર્યું નથી. એ મહિનાઓ ક્યારે વર્ષોમાં ફેરવાઈ ગયા એ મને સમજાયું નહીં. મેં ક્યારેય કોઈ કામની ના પાડી ન હતી. મેં ક્યારેય કહ્યું નથી કે મારે કામ નથી જોઈતું કે હું કામ છોડી રહી છું. તો શું થયું કે મને કામ મળવાનું બંધ થઈ ગયું? શું થઈ રહ્યું છે તેનો મને કોઈ ખ્યાલ નહોતો. એક દિવસ હું એક જૂના ડિરેક્ટરને મળી જેની સાથે મેં અગાઉ કામ કર્યું હતું. મેં તેમને પૂછ્યું કે તમે લોકો મને કામ પર કેમ બોલાવતા નથી. તેમણે આપેલા જવાબથી મને આશ્ચર્ય થયું હતું. તેમણે મને કહ્યું- તમે જીવનમાં ક્યાં છો તે જોતાં અમે વિચાર્યું કે તમે શા માટે વૉઇસ ઓવર વર્ક કરવા માગો છો. તેનો સ્પષ્ટ અર્થ એ હતો કે હું એક જાણીતા વ્યક્તિને ડેટ કરી રહી છું. એ પછી હું આ કામ શા માટે કરીશ? જ્યારે આટલો સર્જનાત્મક, બુદ્ધિશાળી પુખ્ત વ્યક્તિ આવું વિચારી શકે છે, ત્યારે હું સમજી ગઈ કે બાકીની દુનિયા શું વિચારતી હશે. મને કામની જરૂર નથી કારણ કે હું એક પ્રખ્યાત વ્યક્તિને ડેટ કરી રહી છું. આપણે કયા સમાજમાં જીવી રહ્યા છીએ, જ્યાં આજે પણ લોકો એવું વિચારે છે કે સફળ માણસને ડેટ કરીને તમારે કામ કરવાની જરૂર નથી? તે તમારા લાઇટ બિલ અને ફૂડ બિલનું ધ્યાન રાખશે. તેથી આ રીતે મેં મારી કરિયર ગુમાવી દીધી જે મને ખૂબ ગમતી હતી. કારણ કે લોકોને લાગે છે કે મારે હવે કામની જરૂર નથી. 'હું તમને બધાને ફરીથી કહું છું કે મેં કામ છોડ્યું નથી. એડ મેકર્સ તમારે પણ આ સમજવું જોઈએ અને તમારી વિચારસરણી બદલવી જોઈએ. મને મારું કામ ગમે છે અને મને હજુ પણ વોઈસ ઓવર કરવાનું ગમશે.' સબા હૃતિક કરતાં 17 વર્ષ નાની છે
હૃતિક અને સબાની ડેટિંગની અફવાઓ ફેબ્રુઆરી 2022માં શરૂ થઈ હતી જ્યારે એક્ટર તેની સાથે ડિનર ડેટ પર જોવા મળ્યો હતો. બાદમાં સબા ઘણી વખત હૃતિકના પરિવાર સાથે જોવા મળી હતી. બંનેએ કરન જોહરના 50માં જન્મદિવસ પર પણ સાથે હાજરી આપી હતી.હૃતિક અને સબા વચ્ચે 17 વર્ષનો તફાવત છે.

આ પ્રકારના તમામ સમાચાર માટેે App ડાઉનલોડ કરો.