બહેન કાજોલ સાથેની સરખામણી પર તનિષા મુખર્જી બોલી:કહ્યું, ‘મારું કરિયર તેમના જેટલું સારું નહોતું, પરંતુ દરેક એક્ટ્રેસની એક જર્ની હોય છે’

તનિષા મુખર્જીએ હાલમાં જ બહેન કાજોલ સાથે સરખામણી અંગે વાત કરી છે. તનિષાએ એક ઇન્ટરવ્યૂમાં કબૂલ કર્યું છે કે, કાજોલના કારણે તેને ફિલ્મ ઈન્ડસ્ટ્રીમાં ઘણું મળ્યું છે જેના માટે તેની આભારી છે. તેમની સાથે મારી જાતની સરખામણી ન કરી શકુંઃ તનિષા
એક ઇન્ટરવ્યૂમાં કહ્યું હતું કે, 'આ બાબતોથી મને હવે કોઈ ફરક નથી પડતો. હું મારી બહેન સાથે ક્યારેય મારી તુલના કરી ન શકું. જ્યારે હું મારી તુલના અન્ય કોઈ એક્ટ્રેસ સાથે નથી કરતી તો મારે મારી બહેન સાથે શા માટે સરખામણી કરવી જોઈએ?' તનિષાએ વધુમાં કહ્યું, 'હું માનું છું કે દરેક એક્ટર અને સ્ટારની એક જર્ની હોય છે. એ વાત સાચી છે કે મારી કરિયર મારી બહેન જેટલી સારી નહોતી પણ જ્યારે તેમણે શરૂઆત કરી ત્યારે તે 16 વર્ષની હતી. મારી બહેનના કારણે મને ઈન્ડસ્ટ્રીમાં ઘણો ફાયદો થયો છે. તેમના કારણે મને મારી કરિયરમાં જે કંઈ મળ્યું તે માટે હું તેમનો આભાર માનું છું. અંતે હું કહીશ કે મને ખૂબ જ આરામદાયક કરિયર મળી છે. મારે કામ કરવું પડતું ન હતું, તેથી તે અર્થમાં હું મારી તેમની સાથે ક્યારેય તુલના કરી નથી શકતી.' બાળપણમાં કાજોલ સાથે ઝઘડો થતો હતો : તનિષા
કાજોલ સાથે બાળપણની યાદો શેર કરતી વખતે તનિષાએ કહ્યું કે, 'કાજોલ બાળપણમાં ખૂબ જ તોફાની હતી. આ કારણે તે મારા કરતાં વધુ મુશ્કેલીમાં મુકાતી હતી. અમે બંને બાળપણમાં ખૂબ લડતા હતા. પપ્પા અમને ટોમ એન્ડ જેરી કહેતા હતા. તનિષાએ એ પણ જણાવ્યું કે કાજોલ એક કડક માતા પણ છે.' તનિષાએ 'Sssshh'થી ડેબ્યૂ કર્યું હતું
તનિષાએ 2003માં 'Sssshhh'થી પોતાના ફિલ્મી કરિયરની શરૂઆત કરી હતી. બાદમાં તે 'નીલ' એન' નિક્કી અને 'ટેંગો ચાર્લી'માં પણ જોવા મળી હતી. 2013માં તેમણે રિયાલિટી શો બિગ બોસની 7મી સિઝનમાં ભાગ લીધો હતો. શોમાં તે અરમાન કોહલી સાથે રિલેશનશિપમાં આવી ગઈ હતી. જો કે, તે સંબંધ ટૂંક સમયમાં તૂટી ગયો.'

આ પ્રકારના તમામ સમાચાર માટેે App ડાઉનલોડ કરો.