રીક્ષામાં બેસેલ યુવાન પર ઉલ્ટી કરી રૂ।.10 હજારની તફડંચી

ઓમ નગર સર્કલ પાસે રીક્ષામાં બેસેલ યુવાન પર ઓબકા-ઉલ્ટી કરી રૂ.10 હજારની તફડંચી કરી રીક્ષા ગેંગ નાસી છૂટતાં માલવીયાનગર પોલીસે ગુનો નોંધી તપાસ હાથ ધરી હતી.
બનાવ અંગે વિશ્વનગર શેરી નં.3 માં રહેતાં આશિષભાઈ ભીખાભાઈ સોજીત્રા (ઉ.વ.31) એ નોંધાવેલ ફરીયાદમાં જણાવ્યું હતું કે, તેઓ વાવડી ગામમાં કિચન વેરના કારખાનામાં મજુરીકામ કરે છે. ગઈ તા.29/02/2024 ના તેઓ વાવડી ગામમાં કારખાનામાં મજુરીકામ માટે જવા સવારના સમયે 150 ફુટ રીંગરોડ પર ઓમ નગર સર્કલે આવેલ અને ઓટો રીક્ષામાં બેસેલ અને રીક્ષાની પાછળની સીટ પર બીજા એક પેસેન્જર બેસેલ હતાં.
રીક્ષા ઓમ નગર સર્કલ ફરેલ ત્યારે બાજુમાં બેસેલ પેસેન્જર ઓબકા કરવા લાગેલા અને ઓબકા - ઉલ્ટી કરવા લાગેલ હતો. રીક્ષા ચાલકે રીક્ષા ઉભી રાખી દીધેલ અને પાછળ બેસેલ પેસેન્જરે કહેલ કે, તેની તબીયત સારી નથી અને હોસ્પિટલે જવું હોય જેથી તેઓને બીજી રીક્ષામાં બેસી જવા જેથી તેઓ રીક્ષામાંથી નીચે ઉતરેલ અને ઉતરતા જ ખિસ્સામાં હાથ નાંખતા ખીસ્સામાં રાખેલ રૂ.10 હજાર જોવામાં આવેલ નહીં,
તેઓએ રીક્ષા ઉભી રાખવા અવાજ કરતા રીક્ષા ચાલક પૂર ઝડપે ચલાવી નાસી છૂટ્યો હતો.બનાવ અંગેની ફરીયાદ પરથી માલવીયાનગર પોલીસે ગુનો નોંધી રીક્ષા ગેંગની શોધખોળ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.