રાજકોટથી ગોવાની ફ્લાઈટ સપ્તાહમાં 3 દિવસ ઉડાન ભરશે

બપોરે 1.15 કલાકે ટેકઓફ થશે, 2.50 વાગે ગોવા પહોંચશે.

રાજકોટથી ગોવા જવા માટે ઈન્ડિગોએ નવી ફ્લાઈટ શરૂ કરી છે. 28 માર્ચથી શરૂ થયેલી આ ફ્લાઈટ સપ્તાહમાં ત્રણ દિવસ મંગળવાર, ગુરુવાર અને શનિવારે ઉડાન ભરશે. રાજકોટથી ગોવાની અગાઉ ફ્લાઈટ ચાલી રહી હતી પરંતુ તે બંધ કરી દેવામાં આવી હતી જે હવે વેકેશન દરમિયાન જ શરૂ કરવામાં આવતા ફરવા જવાનું આયોજન કરતા સહેલાણીઓને ફાયદો થશે. વેકેશનમાં ગોવા ફરવા જવા યાત્રિકોને સપ્તાહમાં ત્રણ દિવસ ફ્લાઈટ મળશે. ગોવાની ફ્લાઈટ સવારે 11.10 વાગ્યે ગોવાથી ટેકઓફ થઈ બપોરે 12.45 વાગ્યે રાજકોટ લેન્ડ થશે અને બપોરે 1.15 વાગ્યે રાજકોટથી પરત ગોવા જવા ટેકઓફ થઈ 2.50 વાગ્યે ગોવા લેન્ડ થશે.

આ પ્રકારના તમામ સમાચાર માટેે App ડાઉનલોડ કરો.