શ્રોફ રોડ-કસ્તુરબા રોડ સહિતના વિસ્તારોમાં વધુ 7 નળ કનેકશન કટ્ટ

મ્યુનિ. કોર્પોરેશનની વેરા વસુલાત ઝુંબેશ વધુને વધુ કડક બનતી જાય છે. જેમાં આજે વધુ સાત મકાનના નળ કનેકશન કાપીને 11 પ્રોપર્ટી સીલ કરી દેવામાં આવી છે. આજે વોર્ડ નં.1ના મોચીનગરમાં એક, વોર્ડ નં.2ના કસ્તુરબા રોડ પર 4, શ્રોફ રોડ પર બે મકાનના નળ જોડાણ કાપવામાં આવતા તમામ જગ્યાએથી વેરાની રીકવરી થઇ ગઇ હતી. વોર્ડ નં.6ના બીમલ લુણાગરીયા વિસ્તારમાં બે સીલ અને 4 નોટીસ આપવામાં આવી હતી.
વોર્ડ નં.7ના ગોંડલ રોડ પર આર્થિક ભવનમાં બે, સુદર્શન કોમ્પ્લેક્ષમાં બે અને રંગોલી કોમ્પ્લેક્ષમાં બે યુનિટ સીલ અને આ રોડ પર સાત યુનિટને નોટીસ આપવામાં આવી હતી. વોર્ડ નં.9ના રૈયા એકસચેંજ પાસે 1, વોર્ડ નં. 10ના કાલાવડ રોડ પર વેસ્ટ ગેટમાં બે, વોર્ડ નં.11ના નાના મવામાં પાંચ, વોર્ડ નં. 12ના વાવડીમાં 4, વોર્ડ નં.13માં આનંદ બંગલા ચોકમાં 6, વોર્ડ નં.14માં લક્ષ્મીવાડીમાં 4 યુનિટને સીલ કરાયા હતા અને આજે એકંદરે 61 લાખની રીકવરી થઇ હતી.

આ પ્રકારના તમામ સમાચાર માટેે App ડાઉનલોડ કરો.