ખોખળદળ પાસે ચાર સવારી બાઇક સ્લીપ થયું: ચાર નેપાળી યુવકોને ઇજા

કોઠારીયા સોલ્વન્ટ પાસે બાઇકમાં ચાર સવારીમાં કારખાને જતાં નેપાળી યુવકોની બાઇક સ્લીપ થતાં રોડ પર પટકાયા હતાં. ચારેયને ઇજા પહોંચતા સારવારમાં સિવિલ હોસ્પિટલમાં ખસેડવામાં આવ્યા હતાં.

પ્રાપ્ત વિગત અનુસાર, જાણવા મળ્યા મુજબ મવડી રામધણ પાસે રહેતાં અને કોઠારીયા સોલવન્ટ નજીક સોમનાથ ઇન્ડસ્ટ્રીમાં રહેતાં તેમજ કારખાનામાં કામ કરતાં ચાર નેપાળી યુવાનો સુરેશ રામ ખેત્રી (ઉ.22), ગોવિંદ ભીખન ખેત્રી (ઉ.25), કિશન કાલુરામ નેપાળી (ઉ.25) અને રમેશ રામબહાદુર ખેત્રી (ઉ.23) ચારેય એક બાઇકમાં સવાર થઈ કોઠારીયા તરફ જઈ રહ્યા હતાં.
ત્યારે ખોખળદળ પાસે બાઇક સ્લીપ થતાં ચારેય યુવકોને ઇજા પહોંચતા સારવારમાં સિવિલ હોસ્પિટલે ખસેડવામાં આવ્યા હતાં. બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરી હતી.
વધુમાં ઇજાગ્રસ્ત ગોવિંદ નેપાળીના કહેવા મુજબ રાતે પહેલા માર્કેટ યાર્ડ પાસે શાકભાજી લેવા ગયા હતાં અને ત્યાંથી મિત્રના ઘરે ગયા બાદ અઢી વાગ્યા આસપાસ બાઇક પર પોતાના ઘર તરફ જતાં હતાં ત્યારે ખોખડદળ પાસે બાઇક સ્લીપ થઇ જતાં ચારેયને ઇજાઓ થઇ હતી.

આ પ્રકારના તમામ સમાચાર માટેે App ડાઉનલોડ કરો.