ભગવતીપરામાંથી સાહિલ ઉર્ફે બાડો બે ચોરાઉ બાઇક સાથે ઝડપાયો

ભગવતીપરામાંથી બે ચોરાઉ બાઇક બાઇક સાથે સોહિલ ઉર્ફે બાડાને પોલીસે ગણતરીની કલાકોમાં પકડી બે વાહનચોરીના ભેદ ઉકેલી રૂ.80 હજારનો મુદ્દામાલ કબ્જે કર્યો હતો. પ્રાપ્ત વિગત અનુસાર, બી ડિવિઝન પોલીસ મથકના પીઆઇ આર.જી.બારોટના માર્ગદર્શન હેઠળ પીએસઆઇ એમ.આઈ.શેખ ટીમ સાથે પેટ્રોલિંગમાં હતાં ત્યારે મળેલ ચોક્કસ બાતમીના આધારે ભગવતીપરામાં આવેલ શુલભ શૌચાલય પાસેથી બે ચોરાઉ બાઇક સાથે સોહિલ ઉર્ફે સોયબ ઉર્ફે બાડો હબીબ શેખ (ઉ.વ.22) (રહે.મિયાણાવાસ, નદીના કાંઠે, ભગવતીપરા) ને દબોચી રૂ.80 હજારનો મુદ્દામાલ કબ્જે કરી વધું વાહનચોરીના ભેદ ખોલવા પુછપરછ હાથ ધરી હતી. ઉલ્લેખનીય છે કે, આરોપી સોહિલે ગઈ તા.13 ના ભગવતીપરા ઓવરબ્રિજ નીચેથી રૂખડીયાપરામાં રહેતાં હસીનાબેન નાશીરભાઈ મોગલનું અને તા.16 ના ગ્રીલેન્ડ ચોકડી પાસેથી રામપરા બેટી રહેતાં મોમૈયાભાઈ ઉર્ફે લાલા જીવાભાઈ સુમરાની બાઇકની ચોરી કરી હતી જેની ફરિયાદ નોંધાયાની ગણતરીની કલાકોમાં જ પોલીસે આરોપીને દબોચ્યો હતો, તેમજ સોહિલ વિરુદ્ધ મારમારી, દારૂ અને જાહેરનામા ભંગમાં અનેક ગુના નોંધાયેલ છે.

આ પ્રકારના તમામ સમાચાર માટેે App ડાઉનલોડ કરો.