કુંવરજીભાઇનો મંત્રી મંડળમાં સમાવેશ થતા જસદણ-વિંછીયા પંથકમાં ખુશી છવાઇ ગઇઃ
કુંવરજીભાઇનો મંત્રી મંડળમાં સમાવેશ થતા જસદણ-વિંછીયા પંથકમાં ખુશી છવાઇ ગઇઃ
વિકાસના કામો આગળ વધારીશઃ કુંવરજીભાઇ
મોડી રાત્રે કુંવરજીભાઇને મંત્રી મંડળમાં સ્થાન મળ્યાના સમાચાર વાયુવેગે ફેલાઇ જતા સ્થાનિક ભાજપનાં આગેવાનો અને સમર્થકો શપથવિધીમાં ભાગ લેવા ગાંધીનગર પહોંચી ગયા હતા અને જસદણ-વિંછીયા વિસ્તારના ધારાસભ્ય કુંવરજીભાઇ બાવળીયાને ફરી મંત્રી મંડળમાં સ્થાન મળતા જસદણ-વિંછીયા પંથકનાં ભાજપ પરીવાર અને સમગ્ર વિધાનસભા વિસ્તારમાં ખુશી છવાઇ ગઇ છે અને પછાત ગણાતા વિસ્તારમાં ફરી વિકાસના દ્વાર ખુલવાની આશા બંધાઇ છે. જસદણ - વિંછીયા વિસ્તારમાંથી ભાજપ પરીવારના અને કુંવરજીભાઇના સમર્થકો મોટી સંખ્યામાં શપથવિધી સમારોહમાં ભાગ લેવા ગાંધીનગર પહોંચી ગયા છે. અનેક અંદરના પરિબળોના છાના વિરોધ વચ્ચે જસદણ-વિંછીયા
વિસ્તારનાં લોક લાડીલા નેતા કુંવરજીભાઇ બાવળીયાનો વિજય થતાં કાર્યકરોમાં ખુશી છવાઇ ગઇ હતી. પરંતુ ગત મોડી રાત્રે કુંવરજીભાઇ બાવળીયાનો મંત્રી મંડળમાં સમાવેશ કરવામાં આવ્યાનું જાણવા મળતા રાત્રે જ સમર્થકો અને ભાજપ કાર્યકરો ગાંધીનગર પહોંચી ગયા છે. કુંવરજીભાઇ બાવળીયાનો મંત્રી મંડળમાં ફરીવાર સમાવેશ કરવામાં આવતા પછાત ગણતા જસદણ-વિંછીયા પંથકમાં વિકાસનાં અધુરા કામ ફરી આગળ વધશે તેવી લોકોમાં આશા બંધાઇ છે અને તાલુકાને ફરી મંત્રી મંડળમાં સ્થાન મળતા જસદણ-વિંછીયા પંથકમાં ખુશી છવાઇ ગઇ છે. ગત મોડી રાત્રે કુંવરજીભાઇ સાથેની ટેલીફોનીક વાતચીતમાં તેમણે જણાવ્યું હતું કે જસદણ-વિંછીયા વિસ્તારનાં મતદારોએ મારી ઉપર મુકેલ વિશ્વાસના બદલામાં હું જસદણ-વિંછીયા પંથકમાં ફરી અધુરા કામોને આગળ વધારી લોકોની શુખાકારી કેમ વધે તેવા પ્રયત્નો કરીશ.
રીપોર્ટ રસીક વીસાવળીયા 7801900172
આ પ્રકારના તમામ સમાચાર માટેે
App ડાઉનલોડ કરો.