રાજકોટ માર્કેટિંગ યાર્ડ નજીક ડિવાઈડર કૂદી કાર અન્ય કાર સાથે અથડાઈ:ચાર ઘવાયા

રાજકોટ,તા.26
રાજકોટના માર્કેટિંગ યાર્ડ પાસે ભાડલાનો પરિવાર મોરબી માનતા ઉતારવા જતો હતો ત્યારે તેમની કાર ડિવાઈડર કૂદી અન્ય સામેથી આવી રહેલી કાર સાથે અથડાતા તેમાં સવાર સાત મહિનાના બાળક સહિત ચારને ઇજા થઇ હતી.તેઓને સારવાર માટે રાજકોટની સરકારી હોસ્પિટલમાં ખસેડવામાં આવ્યા છે.
બનાવની વિગતો અનુસાર, જસદણના ભાડલાનો પરિવાર ગઈકાલે મોરબીના સનાળા માનતા પુરી કરવા જતાં હતાં ત્યારે અચાનક કાર ડિવાઈડર કૂદી સામેના રસ્તા પર આવી રહેલી કાર સાથે ધડાકા ભેર અથડાતા ઘટનાસ્થળે ટ્રાફિક જામ થઈ ગયો હતો અને ઘવાયેલા તમામને સ્થાનિકો અને 108ની મદદથી સારવાર માટે સિવિલ હોસ્પિટલે ખસેડાયા હતા.ઘવાયેલાઓમાં ભાડલાના પારૂબેન કાળુબેન સોરાણી(ઉ.વ.24),સવિતાબેન મેરામભાઈ કુકડીયા(ઉ.વ.40),ચંદ્રિકાબેન પ્રવીણભાઈ(ઉ.વ.30) અને સાત મહિનાનો બાળક કિશન કાળુને ઇજા થઇ હતી.
સારવારમાં રહેલા મહિલાએ જણાવ્યું હતું કે,અમારા પરિવારના દિપકની મોરબીના શનાળામાં આવેલા માતાજીના મંદિરે માનતા ઉતારવા જતા હતા ત્યારે માર્કેટિંગ યાર્ડ પાસે અકસ્માત સર્જાયો હતો.આ બનાવની જાણ થતા આજીડેમ પોલીસ મથકના સ્ટાફે કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.