મંગળવારે જે.પી.નડ્ડા શહેરની મુલાકાતે, રેસકોર્સમાં ભાજપના ચૂંટાયેલા પ્રતિનિધિઓનું સંમલેન યોજશે

વિધાનસભાની ચૂંટણીને લઇને તડામાર તૈયારીઓ ચાલી રહી છે. યુવા ભાજપના રાષ્ટ્રીય અધ્યક્ષ બાદ હવે ભાજપના રાષ્ટ્રીય અધ્યક્ષ જે પી નડ્ડા રાજકોટ અને સૌરાષ્ટ્રની મુલાકાતે આવી રહ્યા છે જેને લઇ શહેર ભાજપ દ્વારા તડામાર તૈયારીઓ કરવામાં આવી રહી છે. આગામી તારીખ 20 સપ્ટેમ્બરને મંગળવારના રોજ ભાજપના રાષ્ટ્રીય અધ્યક્ષ જે.પી.નડ્ડા બપોરના સમયે બે વાગ્યે રાજકોટ આવી રહ્યા છે. જ્યાં તેઓ ભાજપના કાર્યકર્તાને રેસકોર્સ મેદાન ખાતે સંબોધશે અને બાદમાં તેઓ મોરબી જવા રવાના થશે જ્યાં તેમનો રોડ શો યોજવામાં આવશે. રાજકોટ રેસકોર્સ મેદાન ખાતે રાષ્ટ્રીય અધ્યક્ષની સભામાં ધારાસભ્યો સાંસદ સભ્યો તેમજ ભાજપના નેતાઓ અને આગેવાનો કર્યકરતા સહીત 10થી 15 હજારલોકો ઉપસ્થિત રહેશે. ત્યારે આજથી જ શહેર ભાજપ દ્વારા રાષ્ટ્રીય અધ્યક્ષના કાર્યક્રમને લઇ તૈયારીઓ શરૂ કરી દેવામાં આવી છે.

આ પ્રકારના તમામ સમાચાર માટેે App ડાઉનલોડ કરો.