પતિ સાથે સ્કૂટર પર જતી મહિલાનો અછોડો તોડી બાઈક સવાર ફરાર

વડોદરા,તા.22 ઓગષ્ટ 2022,સોમવારવડોદરામાં હરણી રોડ વિસ્તારમાં ગઈકાલે ત્રાટકેલા અછોડા તોડો સ્કૂટર પર જતી મહિલાનો છોરો તોડી ફરાર થઈ જતા બંનેની શોધખોળ ધરાઈ છે.હરણી મોટનાથ રોડ પર સંસ્કૃતિ એન્કલેવ ખાતે રહેતા મોનાલીબેન દવે પોલીસને કહ્યું છે કે, ગઈકાલે સાંજે હું મારા પતિ સાથે ભાઈની ખબર કાઢવા હોસ્પિટલમાં ગઈ હતી અને ત્યાંથી અમે બંને સ્કૂટર કરી રહ્યા હતા ત્યારે મોટનાથ રોડ પર મારો અછોડો તૂટ્યો હતો.સિગ્નસ સ્કૂલ પાસે બમ્પ સ્પીડ બ્રેકર આવતા મારા પતિએ સ્કૂટર ધીમું કર્યું હતું ત્યારે પાછળથી બાઈક પર આવેલા બે લુટારા પૈકી એક લૂંટારાએ મારા ગળામાંથી દોઢ તોલાનો અછોડો તોડી લીધો હતો. મને નીચે ઉતારીને મારા પતિ અછોડા તોડનો પીછો કર્યો હતો પરંતુ તેઓ હાઇવે તરફ ભાગી છૂટ્યા હતા. હરણી પોલીસે બનાવો અંગે ગુનો નોંધી સીસીટીવી ફૂટેજ ના આધારે તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.