સોનીની દુકાનમાં ગ્રાહકના સ્વાંગમાં આવી ગઠિયો મંગળસૂત્ર ચોરી કરીને ભાગી ગયો.

સાવલી નગરમાં સોના ચાંદીના દાગીનાનો વ્યવસાય કરતા નરેન્દ્રભાઈ નટવરલાલ સોનીની દુકાનમાં એક ઈસમ ગ્રાહકનો સ્વાંગ રચીને દુકાનમાં પ્રવેશ કર્યો હતો અને સોનુ ખરીદવાના બહાને દુકાનદાર પાસે વિવિધ સોનાની ચીજ વસ્તુઓ કઢાવી હતી . પસંદગી કરવાના બહાને વિવિધ દાગીનાઓ કઢાવ્યા હતા . સોનુ ખરીદવાના બહાને સૂર્યની ડિઝાઈનવાળું પેન્ડલ 2. 650 ગ્રામ રૅરૂા . 20 , 500 નું અને નાનું પેન્ડલ 0. 950 ગ્રામનું રૂા . ર્ 8 , 500 નું લઈને ભાગી ગયો હતો . સદર બનાવના પગલે બૂમાબૂમ કરતા રાહદારીઓ આ ચોર પાછળ ભાગ્યા હતા . બનાવની જાણ સાવલી પોલીસને થતા દુકાને પહોંચીને સીસીટીવી ફૂટેજ ચેક કર્યા હતા અને વિડીયો તેમજ ફોટા પોલીસ ગ્રુપમાં શેર કર્યા હતા . સાવલીમાં પ્રવેશવાના અને નીકળવાના તમામ રસ્તાઓની નકાબંધી કરવામાં આવી હતી . જ્યારે નગરજનો આ ચોરની પાછળ પકડવા દોડવાના પગલે નગરના તળાવની ઝાડી ઝાંખરામાં સંતાઈ ગયોપોલીસે સમગ્ર તળાવનો વિસ્તાર કોર્ડન કર્યો હતો . જેથી ચોર તળાવમાં કુદી પડ્યો હતો . પોલીસે તળાવમાં પડીને ચોરને ઝડપી પાડ્યો હતો . પ્રાથમિક પૂછપરછમાં આ ચોર હરેશકુમાર દિલીપસિંહ ગોહિલ રહે . નવા ઝાખરીયા તાલુકો હાલોલ જિલ્લો પંચમહાલ હોવાનું ખુલ્યું હતું . પોલીસે ઝડપાયેલ આરોપી વિરુદ્ધ ગુનો નોંધી તપાસ હાથ ધરી છે .

આ પ્રકારના તમામ સમાચાર માટેે App ડાઉનલોડ કરો.