જુગાર રમતા 9 ઝડપાયા, 3 પત્તાપ્રેમી રફૂચક્કર થઇ ગયા
- લખતર તાલુકાના કોપરણી અને કળમ ગામમાં દરોડા- પોલીસે રોકડ રકમ સહિતનો મુદ્દામાલ કબજે કરી ગુનો દાખલ કર્યો સુરેન્દ્રનગર : લખતર તાલુકાના કળમ અને ધ્રાંગધ્રા તાલુકાના કોપરણી ગામે પોલીસે દરોડા પાડીને જુગાર રમતા ૯ શખ્સોને ઝડપી પાડયા હતા. ત્રણ શખ્સો નાસી ગયા હતા.આ અંગેની વધુ વિગત એવી છે કે, લખતર તાલુકાનાં કળમ ગામે બજારમાં નિર્મળસિંહ માનસિંહ ઝાલંના રહેણાંક મકાન પાસે જુગાર રમાઈ રહ્યો હોવાની બાતમી મળતા પોલીસે દરોડો પાડયો હતો. જેમાં નિર્મળસિંહ માનસિંહ ઝાલા, મનસુખ જગજીવનભાઈ લપકાણીયા, વિનોદ નટવરલાલ નિમાવત, જયેન્દ્રસિંહ દીલુભા રાણા અને ઈન્દ્રસિંહ છત્રસિંહ રાણા નામના પાંચ શખ્સો જુગાર રમતા ઝડપાઈ ગયા હતાં. જેથી પોલીસે તેમની પાસેથી રોકડા રૂા.૧૧,૬૦૦ જપ્ત કીર કાર્યવાહી કરેલ છે.જ્યારે ધ્રાંગધ્રા તાલુકાનાં કોપરણી ગામે દેવાભાઈ જેરામભાઈ ઝીંઝુવાડીયાના મકાન પાસે જુગાર રમાઈ રહ્યો હોવાની બાતમી મળતા પોલીસે દરોડો પાડી ચંદુભાઈ માલણભાઈ વઢરેચીયા, અક્ષય હસમુખભાઈ ધામેચા,સુરેશ કરણાભાઈ વીંછણીયા અને મનસુખ ગગજીભાઈ ઝીંઝુવાડીયા જુગાર રમતા ઝડપાઈ ગયા હતા. જ્યારે ભૂપતભાઈ ટીકુભાઈ હીરાભાઈ અને ખેમાભાઈ લખાભાઈ નામના ત્રણ આરોપી નાસી ગયા હતા. પોલીસે રોકડા રૂા.૧૪૮૪૦ મોબાઈલ-૪ વિગેરે મળી કુલ રૂા.૨૬,૩૪૦નો મુદામાલ જપ્ત કરી નાસી છુટેલા આરોપીઓને ઝડપી લેવા કાયવાહી કરી છે.
આ પ્રકારના તમામ સમાચાર માટેે
App ડાઉનલોડ કરો.